შარლ მიშელმა ვოლოდიმირ ზელენსკი ევროპული საბჭოს სამიტზე მიიწვია

ევროპული საბჭოს პრეზიდენტმა შარლ მიშელმა პრეზიდენტი ვოლოდიმირ ზელენსკი ევროპული საბჭოს სამიტზე მიიწვია. სამიტი 17 ოქტომბერს გაიმართება.

“მე მოვიწვიე პრეზიდენტი ვოლოდიმირ ზელენსკი ევროპული საბჭოს სამიტზე, ხუთშაბათს, 17 ოქტომბერს, რათა უკრაინის წინააღმდეგ რუსეთის ომის ბოლო განვითარებები შევაფასოთ და თავისი გამარჯვების გეგმა წარმოგვიდგინოს”, – წერს შარლ მიშელი X-ზე.

I have invited President @ZelenskyyUa to the European Council summit on Thursday, 17 October to take stock of the latest developments of Russia’s war against Ukraine and present his victory plan.

— Charles Michel (@CharlesMichel) October 15, 2024
14 ოქტომბერს ცნობილი გახდა, რომ უკრაინის პრეზიდენტი ვოლოდიმირ ზელენსკი 17-18 ოქტომბერს ევროპული საბჭოს სამიტზე სიტყვით გამოვა.

მოგვიანებით გავრცელებულ ვიდეომიმართვაში უკრაინის პრეზიდენტმა ვოლოდიმირ ზელენსკიმ თქვა, რომ ამ კვირაში პარტნიორებს გეგმას წარუდგენს, თუმცა არ დაუკონკრეტებია – რა ფორმატში.

ევროპული ტურნეს ფარგლებში უკრაინის პრეზიდენტმა ვოლოდიმირ ზელენსკიმ უკრაინის გამარჯვების გეგმა გააცნო იტალიის პრემიერმინისტრ ჯორჯია მელონს და საფრანგეთის პრეზიდენტ ემანუელ მაკრონს.

მანამდე კი, ზელენსკი დიდ ბრიტანეთში იმყოფებოდა, სადაც პრემიერმინისტრ კირ სტარმერს შეხვდა და უკრაინის გამარჯვების გეგმა წარუდგინა.