იმ პირობებში, როდესაც პირისპირ ვერ ვხვდებით ერთმანეთს, როდესაც საპროტესტო აქციების გამართვა აკრძალულია, ჩვენ გიწვევთ ონლაინ დემონსტრაციაზე 17 მაისს, 18:00 საათზე – ამის შესახებ ინფორმაციას “თბილისი პრაიდი” სოციალურ ქსელში ავრცელებს.
განცხადების თანახმად ონლაინ კონფერენციაზე რამდენიმე სპიკერი გამოვა.
“იმ პირობებში, როდესაც პირისპირ ვერ ვხვდებით ერთმანეთს, როდესაც საპროტესტო აქციების გამართვა აკრძალულია, ჩვენ გიწვევთ ონლაინ დემონსტრაციაზე 17 მაისს, 18:00 საათზე.
გაგაცნობთ ჩვენი დემონსტრაციის “ერთად გადავრჩებით! – 17 მაისი ონლაინ” სპიკერების ნაწილს: ლუიზა ვინტონი – საქართველოში გაეროს მუდმივი კოორდინატორი. მოხსენება: “საერთაშორისო ორგანიზაციების როლი საქართველოში ლგბტქი უფლებათა დაცვის კუთხით”; ელენე ხოშტარია – საქართველოს პარლამენტის წევრი, „ევროპული საქართველო – მოძრაობა თავისუფლებისთვის“, მოხსენება: “პოლიტიკოსებისა და პარლამენტის როლი ჰომოფობიის წინააღმდეგ ბრძოლაში”; დიმიტრი ცქიტიშვილი – საქართველოს პარლამენტის უპარტიო წევრი, ადამიანის უფლებათა დაცვისა და სამოქალაქო ინტეგრაციის კომიტეტი. მოხსენება: “საკანონმდებლო ორგანოს როლი ლგბტქი ადამიანების მდგომარეობის გაუმჯობესებაში”.
შემოგვიერთდით დღეს, 17 მაისს, 18:00 საათიდან! ,” – ნათქვამია განცხადებაში.
კომენტარები