პრეზიდენტმა დონალდ ტრამპმა მოულოდნელად დატოვა ბრიფინგი თეთრ სახლში ჟურნალისტთან მორიგი დაპირისპირების შემდეგ.
პრესკონფერენცია კორონავირუსთან დაკავშირებულ სიტუაციას ეძღვნებოდა. სი ბი ეს – ის კორესპონდენტმა, ვეიცზია ცზიანმა ტრამპს კითხა, რატომ უსვამს ყოველდღე ტრამპი ხაზს, რომ ამერიკაში ბევრად მეტი ტესტირება ტარდება, ვიდრე სხვა ქვეყნებში, რატომ განიხილავს აშშ–ს პრეზიდენტი კორონავირუსზე ტესტრირებას როგორც მსოფლიო შეჯიბრებას და რატომ აკეთებს ამაზე აქცენტს მუდმივად, როცა ამერიკაში ყოველდღიურად ამდენი ადამიანი იღუპება.
„ადამიანები მთელ მსოფლიოში იხოცებიან. ეს კითხვა ჩინეთს უნდა დაუსვათ. მე ნუ მეკითხებით, ჩინეთს კითხეთ. თუ მათ კითხავთ, შეიძლება ძალიან უჩვეულო პასუხი მიიღოთ„– უპასუხა ტრამპმა ჟურნალისტს.
ამის შემდეგ მიკროფონთან სი ენ ენ–ის ჟურნალისტი მივიდა, თუმცა ცზიანმა კვლავ დაუსვა კითხვა ტრამპს, რატომ ელაპარაკება ჩინეთზე კონკრეტულად მას.
“ეს პასუხი ვინმეს კონკრეტულად არ ეხება. ყველას ეხება, ვინც საძაგელ კითხვებს სვამს“– უპასუხა ტრამპმა. ჟურნალისტმა კი გააპროტესტა, რომ ეს “არ არის საძაგელი კითხვა“.
ამის შემდეგ კითხვის დასმა სი ენ ენ–ის კორესპონდენტმა სცადა, თუმცა ტრამპმა განაცხადა, რომ უკვე სცადა მისთვის სიტყვის მიცემა, შებრუნდა და ბრიფინგი მოულოდნელად დატოვა.
კომენტარები