რუსული კანონის მოწინააღმდეგე მოქალაქეები სოციალურ ქსელში წერენ, რომ მათ გვიან ღამით ისევ ურეკავდნენ, ემუქრებოდნენ და აგინებდნენ. ისინი მათ შეცვლილ მეთოდებზეც საუბრობენ და ყვებიან, რომ წინა შემთხვევებისგან განსხვავებით, ახლა “ოცნების” პროპაგანდისტები სხვადასხვა თხოვნით ურეკავენ, მათ შორის, უყვებიან, რომ სოფლიდან სხვადასხვა პროდუქტი გამოატანეს და შეხვედრას სთხოვენ.
გთავაზობთ რამდენიმე მათგანის პოსტს სოციალური ქსელიდან:
ნანა დიხამინჯია:
შუაღამით მთელ ოჯახს გვირეკავდნენ თურმე. ერთი და იგივე ნომრიდან – მე, დედაჩემს და ჩემ დას. ზუსტად იგივე ნომრიდან დაურეკეს წუხელ ჩემი კარგი ნაცნობების – ზაზას და ქეთოს ოჯახის ყველა წევრს, აგინეს და საშინლად დაემუქრნენ.
გული მერევა, სახელმწიფო რომ ამ დონეზე დაეცა.
აფხაზეთის ომი გვაქვს გამოვლილი, თქვე უბედურებო, ზარებით შეგვაშინებთ?
უბრალოდ გაიაზრეთ, რას აკეთებს მთავრობა – რამდენ ადამიანს ულპობს სულს – აიძულებს, რომ თავის საუკეთესო ათასობით თანამოქალაქეს დაურეკოს და აგინოს. 1984 გადაიკითხეთ. ტირანიის ყველაზე დიდი დანაშაული ადამიანობის მოშლაა. თავისუფალი სახელმწიფო დამპალი ადამიანებით არ შენდება. ჩუმად მყოფებო, ისევ თქვენ მოგიწევთ ამ სიდამპლეში ცხოვრება. თქვენს შვილებს მოუწევთ, – წერს დიხამინჯია.
ანა სუბელიანი:
რაღაც ახალი მოიფიქრეს, სრულიად გამაოგნებელი.
მირეკავს ვაიბერში უცხო ნომერი. არ ვპასუხობ. რამდენიმე ზარის შენდეგ ავიღე, ოღონდ ხმას არ ვიღებ, ველოდები გინებას. უცებ ნორმალური ხმით მიწყებს ტიპი საუბარს. ვფიქრობ, რო კლასიკური ზრდილობიანი შესავალია გინების. ანა ხარო? არც ვაციე, არც ვაცხელე, შენ ვინ ჩემი ყლე ხარ მეთქი)) რატო მკადრებთ ეგეთ რამეს, ხობიდან ჩამოვედი ამხელა გზაზე, თქვენთვის მარწყვი ჩამოვიტანეო და მგონი არ ვიმსახურებო.
მეთქი, ვოთ? დავუშვი, იქნებ რამე სხვა ხდება მართლა, ან რამე ეშლებათ მეთქი და ბოდიშები ვუხადე. ისეთი ტონით მელაპარაკებოდა, კიდე იქით გაბუტული და ნაწყენი იყო. მეთქი რავი, მოგეხსენებათ რა დროში ვართ და თქვენ შეიძლება არაფერ შუაში ხართ, მაგრამ ღამის ორ საათზე უცხო ნომრიდან რო მირეკავთ და არც ის ვიცი, ვისგან რას მიგზავნით, როგორ უნდა ვენდოთ მეთქი. გიორგი თოფურიამ ჩამირიცხა ეს თანხაო, ჩამაწერინა თქვენი ნომერი და მანქანაში მიდევს 150 ლარის მარწყვი თქვენთვის ჩამოტანილიო )) კაი, მეთქი, ან ნომერი გამომიგზავნე მაგ ადამიანის, ან სქრინი ჩამიგდე ჩარიცხვის და იმის, თუ როგორ მოგწერა ამის შესახებ, ან თვითონ შემეხმიანოს მეთქი.
რამდენიმე წუთში მირეკავს ისევ, უეჭველი უნდა მოგიტანოთო, ასე მითხრაო. არა, ვერაფერს ვერ მომიტანთ, რანაირად გგონიათ, რო ასე უცხო ადამიანს ამ შუაღამეს მოგიშვებთ ჩემამდე რაღაც აბსურდით მეთქი და ეს ანგელოზის ტყავში გადაცმული ქოცი იხსნის ნიღაბს და იწყებს გინებას ტრადიციულად. მეც ვაგინე შეძლებისდაგვარად, ისეთ ადგილას ვარ, ხმას ვერ ავუწევდი და ცოტა გამიჭირდა, მაგრამ რაც შემეძლო, არ დავაკელი. გავუთიშე და შემდეგ დარეკვაზე გადავწყვიტე ჩავიწერ მეთქი და სპიკერზე ჩავრთე. ამჯერად უკვე ისეთი ბინძური ენით გინებას მოჰყვა, რო აქამდე არცერთს არ უკადრებია მთლად ეგეთებიც. ვცადე გადამეფარა, მარა ბავშვი გამიგიჟდა ამ ყველაფრის მოსმენაზე.
ანუ, ტიპებს ეგონათ, რო 150 ლარის მარწყვზე დავყლევდებოდი და სადმე შევხვდებოდი? და მერე რას მიპირებდნენ, საინტერესოა.
ჩემს შვილს შევპირდი, რო ეს ყველაფერი უბრალოდ ცუდ მოგონებებად დარჩება და აუცილებლად მალე ვიცხოვრებთ ქვეყანაში, სადაც ასეთ ზარებზე ეგრევე საშინელებებს აღარ ვიფიქრებთ. ამ ყლეებს კიდე სახელოვან დედმამისტყვნას ვპირდები! ეს ნაბიჭვრები ესენი.
გამარჯობა სამშობლო! მალე მოგაშორებთ ამ ბაღლინჯოებს, მალე დაგიბრუნდებთ სახეს!, – წერს სუბელიანი.
ქეთო ნინიძე
Მართლა გეუბნებით, ზარები არ ჩერდება. ორი დღეა, გვირეკავენ Მე, ზაზას და 67 წლის დედაჩემს. გვკითხულობენ სახელებით, გვემუქრებიან, გვაგინებენ და რაღაც საოცრებებს ამბობენ. Მაგალითად, დედაჩემის შემთხვევაში თქვეს, ვანიდან ტყემალი გამოგვატანეს და რა მისამართზე გადმოგცეთო. უფროსებს სასაცილოდ არ გვყოფნის ეს სიტლუე, ბავშვებმა ბევრი იტირეს (ბავშვებს ერევიან). Ასეთი იყო 2024 წლის 1 ივნისი ჩემი შვილებისთვის. Სიგიჟეა, რაც ხდება.
Რა “ნაცები”, ხალხო? აზრზე მოდით, საერთოდ, ესენი თუ დარჩნენ ოქტომბერში, რა რეალობაში გავიღვიძებთ. კბილებით გვაქვს დასაცავი ჩვენი ლამაზი ქვეყანა!, – წერს ქეთო ნინიძე.
წყარო: „მთავარი“
კომენტარები