“მათ სურთ, უკრაინამ გაიმარჯვოს ისე, რომ რუსეთი არ დამარცხდეს” – ზელენსკი

ჩვენს პარტნიორებს ომში რუსეთის მარცხის ეშინიათ, იმიტომ რომ მსოფლიო გეოპოლიტიკისთვის ამას წინასწარგანუჭვრეტელი შედეგები ექნება, – ამის შესახებ ჟურნალისტებს უკრაინის პრეზიდენტმა ვოლოდიმირ ზელენსკიმ განუცხადა.

„ჩემი აზრით, პარტნიორებს ომში რუსეთის მარცხის ეშინიათ. მათ სურთ, უკრაინამ გაიმარჯვოს ისე, რომ რუსეთი არ დამარცხდეს. წინააღმდეგ შემთხვევაში ამის შედეგები წინასწარგანუჭვრეტელი იქნება“, – აღნიშნა ზელენსკიმ.

მისივე განცხადებით, ასეთი მიდგომა არ მუშაობს. ზელენსკი ამბობს, რომ ომის დასასრულებლად საჭიროა, რომ არა მხოლოდ უკრაინამ და პარტნიორებმა, არამედ პუტინმაც დაიწყოს სიტუაციიდან გამოსავლის ძიება.

„ახლა მას დისკომფორტი არ აქვს. სად ვისვრით? რაზე შეგვიძლია იერიშის მიტანა და რით? იქნება თუ არა ტრიბუნალი? ამ კითხვას ყველამ თავისთვის უნდა უპასუხოს და შემდეგ ყოველდღიურად იმუშაოს ამ მიმართულებებით“, – აღნიშნა უკრაინის პრეზიდენტმა.