საპატრიარქოს საზოგადოებასთან ურთიერთობის სამსახური ქვაშვეთის წმინდა გიორგის სახელობის ტაძარში წუხელ მომხდარ ინციდენტს ეხმაურება:
“როგორც მოგეხსენებათ, 2024 წლის 10 მაისს ქვაშვეთის წმინდა გიორგის სახელობის ტაძარში მოხდა სამწუხარო ინციდენტი. აქედან გამომდინარე, შემდგომი შესაძლო ექსცესების თავიდან ასაცილებლად მიღებულ იქნა გადაწყვეტილება, რათა ტაძარი დაიკეტოს ჩვეულ დროს. აქვე აღვნიშნავთ, რომ ამ დრომდე ტაძარი ამა თუ იმ საპროტესტო აქციების დასრულებამდე (ხშირად დილის სამ, ოთხ საათამდე) ღია იყო” – ნათქვამია განცხადებაში.
შეგახსენებთ: ქაშვეთის ტაძრის მღვდლების მიმართ მუქარისა და სიტყვიერი შეურაცხყოფის ფაქტი დაფიქსირდა.
ახალგაზრდები, რომლებიც არაფხიზელ მდგომარეობაში ტაძარში შევიდნენ, ჯერ საკურთხეველში უნებართვოდ შესვლა სცადეს, უარის მიღების შემდეგ კი სასულიერო პირებს, სიტყვიერად დაუპირისპირდნენ.
კომენტარები