“მე მინდა მივმართო არა მხოლოდ ახალგაზრდებს, ახალგაზრდების გვერდით უნდა იყვნენ უფროსები… დროა, რომ გაერთიანებული, ერთად შეკრული საზოგადოება გავიდეს იმ გზაზე, რომელიც უნდა დამთავრდეს მშვიდობიანი, გამარჯვებული არჩევნებით” – ეს განცხადება სალომე ზურაბიშვილმა ევროპის დრისადმი მიძღვნილ ღონისძიებაზე გააკეთა.
პრეზიდენტი ერთობის მნიშვნელობაზე საუბრობს და აღნიშნავს, რომ არსებული მდგომარეობა არცერთმა პოლიტიკურმა ძალამ არ უნდა გამოიყენოს.
როგორც აქამდე მშვიდობიანად, ხალისიანად, იმედიანად დადიოდით ამ გზაზე, ასევე უნდა გაგრძელდეს და მე მინდა მივმართო არა მხოლოდ ახალგაზრდებს, ახალგაზრდების გვერდით უნდა იყვნენ უფროსები, ისინიც თავშეკავებული, აქ იმის დრო არ არის, რომ რომელიმე პოლიტიკურმა ძალამ ვინმე გამოიყენოს, რომ რომელიმე პოლიტიკურმა ძალამ თავისი თავის წარმოჩენა სცადოს, აქ იმის დროა, რომ გაერთიანებული, ერთად შეკრული საზოგადოება გავიდეს იმ გზაზე, რომელიც უნდა დამთავრდეს მშვიდობიანი, გამარჯვებული არჩევნებით, მე ამ გზაზე თქვენთან ერთად ვიქნები და ვიქნები ბოლომდე, ამ მშვიდობიან გზაზე, იმიტომ, რომ ვიცი გამოცდილებით, რომ სხვა გზა ჩვენ არ გვაქვს თუ არა მშვიდობიანი გზა, თუ არა ის გზა იქნება, რომელიც მტერს გაახარებს. ერთობით, მშვიდობით უნდა გავიაროთ ყველამ ერთად ეს გზა,“ – თქვა პრეზიდენტმა.
კომენტარები