,, გვეგონა მკვდრები იყვნენ და პანიკაში ჩავარდა ხალხი, თვალებიდან სდიოდათ სისხლი” – რას იხსენებს წუხელ, ცირკთან მომხდარი ძალადობის შემსწრე

საპროტესტო აქციების მონაწილე ქეთი მოლაშვილი, რომელიც წუხელ, ცირკთან მომხდარი დაპირისპირების უშაუალო თვითმხილველია, სოციალურ ქსელში წერს:

,,ალბათ უკვე იცით, მაგრამ ფაქტები რომ ვთქვათ:

სახლში ვბრუნდებოდით,
ლაღად, მშვიდად, თამარ მეფის ხიდისკენ მივდიოდით,
ამ დროს გოგოები ყვირილით გამოვარდნენ ჩვენკენ,
გვიშველეთ ბიჭებს კლავენო.

თავქუდმოგლეჯილები გავიქეცით,
რომ მივედით,
2 მანქანა გაჩერდა კიდევ,
გადმოვიდნენ ჩემზე ორჯერ მაღლები,
ორჯერ უფრო დიდები,
მიზამნიმართულად გაემართნენ ბიჭებისკენ, ყრიდნენ დაბლა და სდგებოდნენ წიხლებით.

წარმოუდგენელი ჯოჯოხეთი დაატრიალეს,
რომ არა გოგოების თავგანწირვა,
რომლებიც შუაში უვარდებოდნენ,
ზედ ეფარებოდნენ,
ალბათ მოკლავდნენ!
ისედაც, ზოგი დაეცა და სავალი ნაწილს დაარტყა თავი,
ვინც ეცემოდა,
ყველა გონებას კარგავდა.
გვეგონა მკვდრები იყვნენ და პანიკაში ჩავარდა ხალხი,
თვალებიდან სდიოდათ სისხლი.

არასდროს შევსწრებივარ მსგავს სისასტიკეს.
ბოლო ხმაზე ყვიროდნენ გოგო-ბიჭები,
სულ პატარა გოგოები ტიროდნენ,
წარმოუდგენელი ჯოჯოხეთი იყო,
ხმა წართმეული მაქვს ყვირილისგან,
რომ შეშვებოდნენ და არ მოეკლათ ბიჭები!

რაც მე ვიცი, 5-მა დავრეკეთ პოლიციაში,
1 საათი ველოდეთ და არ მოვიდნენ,
ავდექით და ტელევიზიასთან ფეხით ამოვედით პოლიციაში,
ახლა განცხადებას ვწერთ,
ვიდეოები გვაქვს, ფოტოებიც, მანქანის ნომრებიც
ყველა ჩანს სახეზე!

ვერ შეგვაშინებთ,
ბევრნი ვართ!!!

გავიმარჯვებთ სახელოვნად!“

იდენთიფიცირებულია ერთ-ერთი პირი, ვინც თბილისში, ცირკის მიმდებარე ტერიტორიაზე მშვიდობიან აქტივისტებს ფიზიკურად გაუსწორდა. ის 34 წლის ჯონდო უარიადმყოფელია, რომელიც, სავარაუდოდ, კერძო დაცვის სამსახურში მუშაობს. შესაძლოა 34 წლის კაცს კავშირი ჰქონდეს ყოფილი პროკურორის, ოთარ ფარცხალაძის დაჯგუფებასთან.

მას შემდეგ რაც მამაკაცის ვინაობა გახდა ცნობილი, მას ფეისბუქგვერზე უამრავი კომენტარი დაუწერეს, მოძალადე მამაკაცს პასუხი არავისთვის გაუცია, უბრალოდ, პროფილი ჩაკეტა