“მიხაილოვში აღმოჩნდა სასტიკად ნაცემი” – პოლიციის მიერ აქციიდან გატაცებული და ნაცემი ადამიანი იპოვეს

ფსიქოლოგი, ნათია ფანჯიკიძე, წერს, რომ ადამიანი, ვისაც ეძებდნენ იპოვეს სასტიკად ნაცემი კლინიკაში.

ხალხო, ადამიანი გაქრა, საჩხერედან ჩამოსულა გუშინ აქციაზე თინუშას ძიძის ბიძაშვილი, გელა ნადირაძე, რომელიც ახლობლებმა ტვ კადრებში დაინახეს, როცა მას უმოწყალოდ სცემს სპეცრაზმელების ხროვა. ამ ბიჭის ძმა, რომელიც ახლა დაღუპულია, ომის ვეტერანი იყო. გელა ნადირაძე არ ჩანს არც დაკავებულთა შორის, არც საავადმყოფოები იძლევიან ინფორმაციას, არის თუ არა მათთან და ცოცხალია თუ მკვდარი. გთხოვთ, თუ ვინმემ რამე იცით, სასწრაფოდ გამოაქვეყნოთ. ყველაზე დიდი იმედია, რომ ვინმემ შეიფარა სახლში. სხვა რა დავწერო და ეს რას ნიშნავს, ადამიანის გადამალვა, სახელის დარქმევა არ მგონია გაგიჭირდეთ, – წერდა ფანჯიკიძე.

ინფორმაციის განახლების შემდეგ, ფანჯიკიძე, წერს:

იპოვეს!!! მიხაილოვში აღმოჩნდა დაზიანებული ნეკნებით და სასტიკად ნაცემი. როგორც იქნა, პასუხი გასცეს ახლობლებს. გამთენია მიუყვანია პოლიციას. უდიდესი მადლობა ყველას.

ცნობისთვის, დაზიანებულ, ნაცემ, გატაცებულ და შემდეგ კლინიკებში ნაპოვნ ადამიანებზე არაერთი ინფორმაცია ვრცელდება, თუმცა, შსს და ოცნების მაღალჩინოსნები, ისე უტიფრად უარჰყოფენ ძალადობას, ან მოქალაქეების ცემას, თითქოს, ფოტო–ვიდეო მტკიცებულებებს და ამდენ მოწმეებს სადმე გაექცევიან.