ავტოსაგზაო შემთხვევების მომატებასთან დაკავშირებით, პარლამენტში “პატრიოტთა ალიანსის” სიით შესული დეპუტატი ავთანდილ ენუქიძე აცხადებს, რომ მიზეზი ჯარიმებია. ენუქიძე ამბობს, რომ საჭიროა განმეორებით შემთხვევებში, მართვის მოწმობის ჩამორთმევა:
“ეს მანამდე იქნება, სანამდე იქნება ეს ჯარიმები და არ იქნება ჩამორთმევა მართვის უფლების განმეორებით შემთხვევაში. ვიძახით, რომ ხალხს შივა – შივა მართლა ბევრს. ჟურნალისტებმა არ გადამიკეთოთ მერე სხვა რამეში; ხალხს ძალიან უჭირს – კი ბატონო, მაგრამ, ეს თბილისი რომ გაივსო ამ მანქანებით, წყლით დადის ეს მანქანები? თუ ვერ გავიგე. მე ჩემი კომპანიების მაგალითზე გეტყვით – როგორც კი მუშაობას დაიწყებს ვინმე სადმე, იმ წუთში ბანკის ცნობას იღებს და გარბის მანქანის საყიდლად…გაივსო, მუშაობა აღარავის აღარ უნდა” ამბობს ენუქიძე.
ენუქიძემ პარკინგის პრობლემებზეც ისაუბრა:
“ვისაც არ ეზარება ჩამოსულია ამ სოფლებიდან, 2-3 დღით, ნაქირავები აქვთ კორპუსებში ბინები და იმ კორპუსის წინ გავსებულია მანქანები და მთელი ქუცა სავსეა. ამასწინათ, სადაც ვცხოვრობ მე, მოხდა ხანძარი. 25 წთ მანქანა ვერ შევიდა, რომ იქ მისულიყო. ორივე მხარეს მანქანები იყო. ერთი გასასვლელია დატოვებული, პატარა “მარჩები” რო ჰყავთ ჩამოყვანილი, თუ სადმე ძველი მანქანები იყო და საქართველოში შემოიყვანეს და სესხები რომ აქვთ არსებული და ფსიქოზი რომ ავთ სახლში მშივაო და როგორც კი მისცემს დახმარებას და შვილს მანქანას რომ უყიდის, აი ესეთი ხალხის “მარჩებითაა” სავსე ის სუყველაფერი. რაღაც ზომა მიიღეთ” ამბობს ენუქიძე. [სტილი დაცულია]
„მთავარი არხი“
კომენტარები