მექსიკის საზღვარზე საქართველოს 30 მოქალაქის გატაცების შესახებ ინფორმაცია სიმართლეს არ შეესაბამება. ამ თემაზე „ქრონიკასთან“ მექსიკაში მყოფმა ერთ-ერთმა ქართველმა ისაუბრა, რომელსაც საჯაროდ ვინაობის გამხელა არ სურს.
მისი ინფორმაციით, საზღვარზე მყოფი ქართველები თავს კარგად და უსაფრთხოდ გრძნობენ, გავრცელებული ინფორმაცია გატაცებასთან დაკავშირებით კი, სიცრუეა.
„ყველაფერი, რაც ტელევიზიებში გავრცელდა, სიცრუეა. ჩვენ კარგად ვართ. არ გვინდა უკან დაბრუნება. გვინდა გზის გაგრძელება წინ. არ გვაქვს არანაირი პრობლემა და არანაირად არ ვართ საფრთხეში“, – განაცხადა მექსიკაში მყოფმა ერთ-ერთმა ქართველმა.
გუშინ გავრცელდა ინფორმაცია, რომ მექსიკის საზღვართან ნარკოკარტელის მიერ 120 ადამიანია გატაცებული, მათ შორის 30 საქართველოს მოქალაქე. საქართველოს საგარეო საქმეთა სამინისტრომ კი განმარტა, რომ უწყება ცდილობს მათი ადგილსამყოფელის დადგენას.
კომენტარები