Tesla-ს და SpaceX-ის მფლობელმა ილონ მასკმა სოციალურ ქსელ X-ის (ყოფილი Twitter) საკუთარ გვერდზე უარყო ინფორმაცია იმის შესახებ, რომ ის ნარკოტიკებს იყენებს.
ბიზნესმენმა აღნიშნა, რომ სამწლიანი შემთხვევითი ტესტების შემდეგ, მის ორგანიზმში აკრძალული ნივთიერებებისა და ალკოჰოლის „კვალიც კი არ აღმოჩნდა“.
7 იანვარს The Wall Street Journal-მა დაწერა, რომ Tesla-სა და SpaceX-ის დირექტორთა საბჭოები მიიჩნევენ, რომ მასკი ნარკოტიკებს იყენებს და ასევე შიშობენ, რომ ამან შეიძლება გავლენა მოახდინოს მისი აქტივების ბედზე.
ბიზნესმენის შესაძლო დამოკიდებულებამ არალეგალურ ნივთიერებებზე, შეიძლება, საფრთხე შეუქმნას SpaceX-თან მრავალმილიონიანი სახელმწიფო კონტრაქტების დადებას. ბიზნესმენის ადვოკატმა ალექს სპირომ განაცხადა, რომ ბიზნესმენს რეგულარულად უტარდება სისხლში ნარკოლოგიური ანალიზი. მისი თქმით, მილიარდერს არასოდეს ჩაუგდია ეს ტესტები.
კომენტარები