გადამოწმებული ინფორმაციით, რაჭაში დღეს მომხდარ მიწისძვრას ნგრევა არ გამოუწვევია. ამის შესახებ საქართველოს პირველ არხს რაჭა-ლეჩხუმ-ქვემო სვანეთის სახელმწიფო რწმუნებულმა, პაპუნა მარგველიძემ განუცხადა.
„ამ ეტაპისთვის შემოსული ინფორმაციის თანახმად, 4 მაგნიტუდამდე სიმძლავრის მიწისძვრის ეპიცენტრი სოფელ ქვშარში იყო, რომელიც ეკუთვნის ამბროლაურის მუნიციპალიტეტს. გადამოწმებული ინფორმაციით, რამე მსხვერპლი და სერიოზული ნგრევა არ გამოუწვევია ამ მიწისძვრას, თუმცა ახლა მიმდინარეობს ინფორმაციის მოძიება, მუნიციპალიტეტების მხრიდან ხდება გადამოწმება სოფლებში. სოფელ ჟოშხაში არის ერთი სახლი დაზიანებული, რომელიც ადრე მეწყერის შედეგად დაზიანდა, თუმცა ამ პიროვნებას უკვე კომპენსაცია აქვს მიღებული და შეძენილი აქვს სხვა საცხოვრებელი სახლი“, – აცხადებს მარგველიძე.
მიწისძვრა თბილისის დროით 11:44 საათზე დაფიქსირდა.
კომენტარები