მსახიობი ბესო ზანგური უკმაყოფილოა იმით, რომ საახალწლო კონცერტებზე არ მიიწვიეს. ის ,,ფეისბუქით” მიმართავს ,,ქართულ ოცნებას” და წერს:
,,არ მესმის, თავი მაქვს გადაკლული, სრული ამ სიტყვის ყველანაირი მნიშვნელობით ,,ქართული ოცნებისთვის”, იქამდე გადავაკვდი, რომ ლიბერალებმა პირველი მე დამარტყეს და ჩემი წლობით, სისხლით და ჯანმრთელობის ფასად შექმნილი როლები მომიხსნეს, ისე გამაშავეს. ნუთუ ის ხალხი უფრო გამოსააჩენია ახალი წლის ღონისძიებაზე, რომელიც 24/7-ზე გაგინებენ ენით აუწერელი სიტყვებით, ხოტბას ასხამენ მკვლელ და ნაძირალა განუბაჟებელ საქონელს, მიხეილ სააკაშვილს! მათ უნდა მისცეთ თანხა, რომელიც ჩემი 3 წლის ხელფასს უდრის ერთ ღამეში და მე თბილისში კი არა, საქართველოს არც ერთი ქალაქის ღონისძიებაში არ უნდა ვიყო ჩართული…
მაქვს ამის ამბიცია, რადგან კარგად ვიცი ჩემი ფასი პროფესიული თვალსაზრისით! რამე დაგაკელით? ესეც სახლი ხომ არ არის ან რაიმე პროექტი? ნუთუ არ შეიძლება ჩემი პროფესიით გავაკეთო საქმე ისე, როგორც მართლა ეკადრება სცენას? პროფესიონალიზმს მიწუნებთ, გემოვნებას თუ ვერ ვხვდები, რა ხდება? იქნებ ზედმეტი ვარ და საერთოდ არ ვარ საჭირო, მაგრამ სწიოპა, რაჭველი და ასე შემდეგ, ვინც ღონისძიებაში ჩართეთ და დააკავეთ, არა მგონია, ჩემზე უკეთესი წარმოსადეგი იყვნენ სცენიდან.
სააკაშვილის დროს წავიყვანე საახალწლო ღამის შოუ რიყეზე და ახლა რა ხდება? იცით, ჩუმად რომ ვარ, არ ნიშნავს, რომ თმენის ვალდებულება მადევს გასაღებდაკარგული ბოქლომივით…” – აცხადებს ზანგური.
კომენტარები