პოლიტოლოგი ამირან სალუქვაძე სოციალურ ქსელში “ლელოს” გუშინდელ ღონისძიებას გამოეხმაურა და დაწერა:
“▪️მერე თქვენ ხართ ახალი პარტია და ახალი მენტალიტეტი? ჯაფარიძე, უსუფაშვილი, სამადაშვილი, თვითონ ძველი კომკავშირელი, ახალ სახელს თუ დაირქმევთ, ახალი პარტია ხართ?
▪️რა არის ამათი მიზანი: გადალახონ 5% ბარიერი და საკუთარი ხმები (გახარიასთან ერთად, თუ იმათაც გადალახეს) მიუერთონ ნაციონალურ მოძრაობას. სხვა შანსი აქვთ? არა.
▪️ახალი მენტალიტეტი რას ნიშნავს? ამათაც ახალი ქართველი უნდა გამოიყვანონ?
▪️ალბათ ნაცვლიშვილია ახალი მენტალობა, სააკაშვილის ძალადობის და რეპრესიების მსხვერპლი. ამას ახლა ჩააცვი ტყავის ქურთუკი და ჩამოჰკიდე მაუზერი, დახვრეტს ნახევარ საქართველოს.
▪️ზოგადად, უნდა იცოდეთ, რომ ლელო არის ყველაზე აგრესიული და საშიში გაერთიანება, რომელთა ახლოს მიშვება ძალაუფლებასთან არ შეიძლება. ამათ არ გააჩნიათ არც პრინციპები, არც ღირებულებები, მით უმეტს ქართული, არ გააჩნიათ იდეოლოგია. ნაციონალებზე საშიშები არიან.
▪️საბედნიეროდ ამათი მაქსიმუმი დღეს ბარიერის გადალახვაა. ამ რამდენიმე პროცენტის თავში ჩახედვას აზრი არ აქვს. როცა ხმას აძლევ ჭრელ გაერთიანებას, პოპულიზმს, სიცურეს, თაღლითობას, თავადაც ასეთივე ჭრელები არიან.
▪️პოლიტიკური კულტურა რომ არ გვაქვს დიდი ხანია ხომ ვწერ, ცალკე პრობლემაა ხმის მიცემის კულტურა და ცოდნა, რაც უნდა ავუხსნათ ხალხს, როგორ გააკეთონ არჩევანი. ორი სიტყვით ასე აიხსნება: ჯერ საკუთარ თავში გაერკვიე ვინ ხარ, შემდეგ საარჩევნო ბიულეტენში იპოვე შენნაირი.” – წერს სალუქვაძე.
კომენტარები