გორში პოლიციის მხრიდან სამსახურებრივი უფლებამოსილების გადამეტების საქმეზე სპეციალურმა საგამოძიებო სამსახურმა გამოძიება დაიწყო.
საუბარია 21 დეკემბერს ხე-ტყის უკანონო ჭრისთვის დაკავებულთაგან ერთ-ერთზე, რომლის ოჯახის თქმითაც, დაკავების დროს მას პოლიცია ფიზიკურად გაუსწორდა და დაზიანებები მიაყენა.
“აქედან რომ წაიყვანეს, თავში ურტყეს და უმიზეზოდ გადმოაგდეს. იქ დააფიქსირა პროკურორმა, რომ გაგვიძალიანდაო, ხელშეკრული კაცი როგორ გაუძალიანდა ოც კაცს? ჯერ აქვე გადმოაგდეს მძინარე ლოგინიდან და მერე გზაში ოთხი კაცი პისტოლეტს ურტყამდა თავში.
ექიმი ვალდებულია, ჩაწეროს რა მიზეზით, რა მდგომარეობით მოვიდა. ამას მოვითხოვ, ექიმის დაკითხვას და საბუთების გამოთხოვას”, – ამბობს მთავარ არხთან დაკავებულის ოჯახის წევრი.
როგორც ფორმულას სპეციალურ საგამოძიებო სამსახურში განუცხადეს, გამოძიება სსკ-ის 333-ე მუხლის მესამე ნაწილის ბ ქვეპუნქტით მიმდინარეობს, რაც მუხლი სამსახურებრივი უფლებამოსილების გადამეტებას გულისხმობს.
კომენტარები