რუსეთის შინაგან საქმეთა სამინისტრომ უკრაინის თავდაცვის სამინისტროს დაზვერვის ხელმძღვანელი, კირილ ბუდანოვი ძებნაში გამოაცხადა. ინფორმაციას რუსული პროპაგანდისტული მედია ავრცელებს.
ჯერჯერობით უცნობია რა მუხლით არის აღძრული ბუდანოვის წინააღმდეგ საქმე.
“ძებნაში გამოცხადების საფუძველი არსებობს: იძებნება სისხლის სამართლის მუხლით აღძრული საქმის ფარგლებში”, – წერია რუსეთის შსს-ს განცხადებაში.
ეს არ არის პირველი შემთხვევა, როდესაც რუსეთში ბუდანოვის წინააღმდეგ სისხლის სამართლის საქმე აღიძრა. მანამდე, 21 აპრილს მოსკოვის რაიონულმა სასამართლომ ბუდანოვს განაჩენი გამოუტანა – მას ბრალად ყირიმის ხიდის აფეთქება ედება. საქმე “ტერორიზმისა და იარაღის უკანონო გამოყენების” მუხლებით იყო აღძრული.
კომენტარები