“ჩემი შვილი გავწიე, რომ მოქნეული დანა არ მოხვედროდა” – თავდასხმის მცდელობა ავტობუსში

მუქარა ავტობუსში დანით – ერთ-ერთი მოქალაქე სოციალურ ქსელში ვიდეოს აქვეყნებს და ამბობს, რომ საზოგადოებრივ ტრანსპორტში ერთ-ერთი მგზავრი დანით იმუქრებოდა.

როგორც ის წერს, არასრულწლოვან შვილებთან ერთად მგზავრობდა ავტობუსით, სადაც შუახნის მამაკაცი სიგარეტს ეწეოდა. მისმა არასრულწლოვანმა შვილმა მამაკაცს მოწევის შეწყვეტისკენ მოუწოდა, რამაც შუახნის კაცი გააღიზიანა, რის შემდეგაც დანით დაემუქრა.

მოქალაქე შინაგან საქმეთა სამინისტროს რეაგირებისკენ მოუწოდებს.

ვტვირთავ ამ ვიდეოს საჯაროდ. იქნებ წამით მაინც დაიჯეროთ რომ ხვალ შეიძლება თქვენი შვილი იყოს ის პატარა გოგო !
სულ რაღაც 1 საათის წინ ჩემს ორ არასრულწლოვან შვილთან ერთად ვმგზავრობდი 337 ავტობუსით. სახლიდან – სკოლამდე
სადაც უცნობი შუახნის კაცი ავტობუსში ისე ეწეოდა სიგარეტს როგორც საკუთარ აივანზე შეიძლება ეწეოდეს ადამიანი. ჩემს გვერდით მჯდომმა ჩემზე პატარა გოგომ უთხრა რომ ან ჩაექრო სიგარეტი, ან ჩასულიყო ავტობუსიდან. პასუხად ხელგაშლილი ყვირილი და აგრესიის ზღვა მიიღო რასაც მოჰყვა დანის გაშლა, ქნევა, გინება, და ამ დანით მუქარა.
ამ დროს ჩემი ერთი შვილი მძღოლთან გაიქცა რომ ეთქვა კარი დაეკეტა და წავსულიყავით, მეორე ჩემი შვილი მე გავწიე რომ მოქნეული დანა სადმე არ მოხვედროდა.
საქართველოს შინაგან საქმეთა სამინისტრო ქალთა მოძრაობა Georgian Women’s Movement ქალთა უფლებებისთვის საქართველოში – For Women’s Rights in Georgia პუბლიკა • Publika Formula • ფორმულა რადიო თავისუფლება მთავარი არხი • Mtavari Arkhi TV პირველი Rustavi 2 • რუსთავი 2  და არ ვიცი კიდევ ვინ დავთაგო. სამწუხარო გამოცდილებით ვიცი, რომ მხოლოდ პატრულში დარეკვით სათანადო რეაგირება არ ხდება ამიტომ გააშუქეთ,” – წერს ერთ-ერთი მოქალაქე.

tvpirveli