“ნიკა მელიამ შეგვაგინა დედის მიმართულებით”

დღეს გლდანი-ნაძალადევის განყოფილების თანამშრომლებმა, მოქმედმა პოლიციელებმა ჩვენებები მისცეს, მაგრამ გადათქვეს ვერსია, რომ “ნაციონალური მოძრაობის” ყოფილმა თავმჯდომარემ, ნიკა მელიამ პოლიციის უფროსს, მინდია ქავთარაძეს უკბინა.არადა, შინაგან საქმეთა სამინისტროს მაღალჩინოსანი პირდაპირ ეთერში ამტკიცებდა, რომ დაკბენილი იყო.

გლდანის პოლიციის მაღალჩინოსანი ამბობს, რომ კბენას ადგილი არ ჰქონია და ენმ-ს ლიდერმა მას წინააღმდეგობა გაუწია, რა დროსაც მისი მაისური გაიხა.

თუმცა მოსამართლეს უმტკიცებს, რომ პოლიტიკოსმა “დედის მისამართით შეიგინა”.

მელიასთან ერთად პოლიციელებზე თავდასხმაში ბაჩო დოლიძეს და ზვიად კუპრავას ადანაშაულებენ.

შეგახსენებთ, რომ თბილისის საკრებულოში ენმ-ს წევრს, ირაკლი ეძგვერაძესა თავს  22 სექტემბერს დაესხნენ. ეძგვერაძე თავდასხმის დამკვეთად  საკრებულოში გლდანის მაჟორიტარი დეპუტატს, „ქართული ოცნების“ წევრს, კონსტანტინე ზარნაძეს ასახელებს.

სისხლიანი დაპირისპირებიდან რამდენიმე საათში, გლდანში „ერთიანი ნაციონალური მოძრაობის“ წევრები ნიკა მელია, ზვიად კუპრავა და ბაჩო დოლიძე მივიდნენ, რა დროსაც ვითარება უკიდურესად დაიძაბა და საბოლოოდ სამივე მათგანი პოლიციამ დააკავა.

შსს-მ გამოძიება სამსახურებრივი საქმიანობის შესრულების დროს პოლიციელებზე თავდასხმის ფაქტზე, სისხლის სამართლის კოდექსის 353-ე პრიმა მუხლით დაიწყო.

ირაკლი ეძგვერაძეზე თავდასხმის ფაქტზე კი საქმე ჯგუფურად ჩადენილი ძალადობის მუხლით აღიძრა.

,,ტვპირველი”