,, თუ აკეთებთ საქმეს, მარილიც მოაყარეთ, ბარემ” – მერაბ მეტრეველი

ჟურნალისტი მერაბ მეტრეველი სოციალურ ქსელში წერს:

,,ვიღაცებს უკითხავთ, 35 წუთიანი სხვაობის გამო, განა ღირდა ბუნებაში ასეთი ჩარევა, ამდენი მთის მოჭრა, გამოთხრა, ან ამდენი ფულის დახარჯვა, ამდენი ვალის აღებაო?

ჯერ ერთი 35 წუთი ცოტა სულაც არაა. მეორე, ეს დრო დათვლილია ცარიელ გზაზე. მანდ რომ წინ ტრაილერები ჩაგიდგებოდა, ან საცობი გაიჩითებოდა, საათსა ათ წუთში ფეხებს გაივლიდი.

თუმცა მთავარი აქ დრო არაა. მთავარი გამტარუნარიანობაა, რომელსაც ძალიან ამცირებდა რიკოთის გზა, ხოლო როცა პრეტენზია გაქვს დასაველეთის და აღმოსავლეთის დამაკავშირებელი დერეფანი იყო, არ შეძლება გზას გამტარუნარიანობა მაღალი არ ქონდეს.

კიდევ ძალიან მნიშვნელოვანია უსაფრთხოება. ორ ზოლიან გზაზე სულ “აბგონები” გიწევდა (სანამადე იდგებოდი ტრაილერების უკან), “აბგონი” კი ტრასაზე ავარიების მთავარი მიზეზია. და კიდევ მარტო დროს კი არა, ნერვებსაც ზოგავ.

დასავლეთის მიმართულება ბოლომდე რომ გაკეთდება (ტემპი არის სამწუხაროდ კატასტროფული), თბილისიდან სტამბოლამდე სულ ავტობანი იქნება უკვე. მერე იმედია, თბილისიდან წითელ ხიდამდეც გაკეთდება. არ ვიცი რა ხდება აზერბაიჯანის ტერიტორიაზე. თუ იქაც შენდება ავტობანი (თუ არა, იმედია, ააშენებენ), მაშინ უკვე ავტობანი იქნება მთლიანად სტამბოლი-ღბილისი-ბაქო.

ერთადერთი, რაზეც გული მწყდება, ესაა ქობულეთი-სარფის მონკვეთი, სადაც ორ ზოლიანი გზა იქნება, რაც სრული აბსურდია. წარმოიდგინეთ, ოთხ ზოლიანი მაგისტრალი მოდის სტმაბოლიდან სარფამდე, ასვე ოთხ ზოლიანი მაგისტრალი იქნება ქობულეთიდნ თბილისამდე, შემდეგ ალბათ ბქომდეც და მხოლოდ სარფი-ქობულეთი იქნება გამოჩხერილი ორზოლიანი. თუ აკეთებთ საქმეს, მარილიც მოაყარეთ, ბარემ.”