უკრაინაში დაღუპული ქართველი მებრძოლი 45 წლის ლევან ლობჟანიძეა. ჯარისკაცი რუსების სისასტიკეს ბახმუტთან ემსხვერპლა. დაჯგუფება თბილისის წევრი კლიშევკას დასახლებასთან შეტაკეკებიის დროს საარტილერიო ცეცხლის ქვეშ მოყვა. ხუთკაციანი ქართული დანაყოფიი უკრაინულ მიწაზე სპეცოპერაციას ასრულებდა.
მძიმედ დაჭრილი ჯარისკაცის გადარჩენა ვერ მოხერხდა. არსებობს ცნობები, რომ დაჭრილია რამდენიმე მებრძოლიც.
“ბატალიონი „თბილისი“ დავალების შესრულებისას ძალიან მძმე საარტილერიო ცეცხლის ქვეშ მოჰყვა. განუწეყვეტელი ცეცხლი იყო როგორც ბიჭები ყვებიან. სამწუხარო დავკარგეთ ლევან ლობჟანიძე. რამდენიმე მებრძოლი დაჭრილია, მათ შორის, ერთი არის დათო აბულიძე, იგივე თუში, რომელიც მერამდენედ არის უკვე დაჭრილი არ ვიცი. საოცრებებს აკეთებს ეს კაცი. ჰოსპიტალშია მოთავსებული და მის სიცოცხლეს საფრთხე არ ემუქრება”, – ამბობს გიგა მაქარაშვილი.
უკრაინაში ქართელების გმირობების შესახებ ყვება ქართველი მებრძოლი გიორგი როინიშვილიც.
“ვიცი ამ ოპერაციაზე, ყველამ მიიღო ჭრილობა და კონტუზია. 4 ქართველი იყო ამ ოპერაციაზე. სასწაული ოპერაცია ჩაატარეს, მტერმა დიდი დანაკლისი მიიღო. ბახმუტის შემოგარენში ჩვენმა ბიჭებმა რამდენიმე წარმატებული ოპერაცია ჩაატარეს, რომ ნაკაწრებით გამოიოდნენ ბიჭები. წინა ოპერაციაზე იყო დაჭრა, მცირე კონტუზიები, კონტუზიებს აღარც ვთვლით”, – ამბობს უკრაინაში მებრძოლი ქართველი გიორგი როინიშვილი.
ომის დაწყებიდან დღემდე პუტინის აგრესიას უკვე 50-მდე ქართველი ემსხვერპლა.
კომენტარები