ბათუმში, ე.წ. ოცნების ქალაქში, სადაც მოქალაქეები საპროტესტო აქციას მართავდნენ, გუშინ სამართალდამცავებსა და აქციის მონაწილეთა შორის დაპირისპირება მოხდა.
სამართალდამცავებმა ერთი ადამიანი ადმინისტრაციული სამართალდარღვევის მუხლით დააკავეს, ორი კი ტერიტორიიდან განარიდეს, აღნიშნული პირები ბათუმი ხელვაჩაურის დამაკავშიდებელი ცენტრალური გზის გადაკეტვას ცდილობდნენ.
ამასთან, აქციის მონაწილეებთან აჭარის მთავრობის წარმომადგენელი მივიდა, იგი არსებული სიტუაციას გაეცნო.
მოსახლეობის თქმით, მთავრობის წარმომადგენელი დაჰპირდა, რომ ათი დღის განმავლობაში მათ მოთხოვნას შეისწავლიან.
ცნობისთვის, ბათუმში, ე.წ. ოცნების ქალაქში მცხოვრებლებმა საპროტესტო აქცია გამართეს. მათ რამდენიმე წუთით ფრიდონ ხალვაშის ქუჩა გადაკეტეს.
შეკრებილები აჭარის მთავრობას მიმართავენ და მოუწოდებენ, რომ ე.წ. ოცნების ქალაქის მცხოვრებლებს საგარანტიო ხელშეკრულება გაუფორმდეთ, რომლის თანახმად, ისინი საცხოვრებელი ბინებით დაკმაყოფილდებიან.
კომენტარები