ლევან მაისაშვილმა საქართველოს ეროვნული ნაკრების მთავარი მწვრთნელის პოსტი დატოვა

ლევან მაისაშვილმა საქართველოს ეროვნული ნაკრების მთავარი მწვრთნელის პოსტი დატოვა.

ინფორმაცია რაგბის კავშირის პრეზიდენტმა დაადასტურა.

ლევან მაისაშვილი: „მსოფლიო ჩემპიონატზე წარუმატებლობის ანალიზის შედეგად გადავწყვიტე მთავარი მწვრთნელის პოზიციის დატოვება. გასული ოთხი წელი იყო უმნიშვნელოვანესი და ყოველთვის მადლიერი ვიქნები ჩემი გუნდის – მათი თავდაუზოგავი შრომისა და თავგანწირვისთვის. ვამაყობ იმით, რასაც ერთად მივაღწიეთ. მჯერა, რომ ჩვენი პროგრესი თვალსაჩინოა და მომავალი კიდევ უფრო ნათელია რადგან ჩვენს 20 და 18-წლამდე ნაკრებებში მოდიან ახალგაზრდა თაობის გამორჩეულად ნიჭიერი მოთამაშეები.

მინდა მადლობა გადავუხადო სოსო ტყემალაძეს და რაგბის კავშირის გამგეობას ჩემს მიმართ გამოხატული ნდობისთვის. მადლობა ქართულ სარაგბო კლუბებს მათი მხარდაჭერისთვის და ეროვნული ნაკრების განვითარებაში შეტანილი უდიდესი წვლილისთვის. მადლობა ქართველ გულშემატკივარს – ისინი ყველგან და ყოველთვის ჩვენს გვერდით იყვნენ”.

ლევან მაისაშვილი სხვადასხვა დროს 6-ჯერ დასახელდა წლის საუკეთესო მწვრთნელად.

მაისაშვილის ხელმძღვანელობით, ჩვენმა ნაკრებმა რაგბი ევროპის თასი ორჯერ მოიგო (2020-2021).