“ოპოზიცია გამოკეტილი ჰყავთ, სადაც პერიოდულად აჩხუბებენ ერთმანეთთან“ – სააკაშვილის წერილი

თბილისში მიხეილ სააკაშვილის საზოგადოებრივი ცენტრი გაიხსნა. ოფისში მოქალაქეები მესამე პრეზიდენტისთვის წერილებისა და საკუთარი მოსაზრებების დატოვებას შეძლებენ.

საზოგადეობრივ მისაღებს სოფო ჯაფარიძე უხელმძღვანელებს..

სოფო ჯაფარიძემ მედიისა და საზოგადოების წინაშე მიხეილ სააკაშვილის წერილი წაიკითხა.

“ოპოზიცია გამოკეტილი ჰყავთ, სადაც პერიოდულად აჩხუბებენ ერთმანეთთან, ამასობაში გესმის, რომ საჭე უპატრონოდაა მიტოვებული და გემს მიაქანებს საშიში დინება პირდაპირ შტორმის შუაგულში. ერთადერთი გამოსავალია, თავად მგზავრებმა აიღონ გემის მართვა ხელში, აირჩიონ კაპიტანი და სანამ კიდევ დროა, ავიცილოთ ძალიან საშიშ ტალღებთან შეტაკება. მზად ვარ, ყველაფერი შევწირო უკრაინის გამარჯვებას, ამ გამარჯვებასთან პირდაპირ დაკავშირებულ საქართველოს გამთლიანებას და ჩვენს ისტორიაში ყველაზე წარმატებული ახალი ეპოქის დადგომას,”-ნათქვამია წერილში