ღაზას სექტორიდან დაჯგუფება „ჰამასის“ „ბოევიკების“ მიერ ისრაელზე დღეს დილიდან განხორციელებული სარაკეტო იერიშების და ქალაქებზე ტერორისტთან ჯგუფების თავდასხმის შედეგად ისრაელის მხრიდან სულ მცირე 22 ადამიანი დაიღუპა და 70-ზე მეტი დაიჭრა. ამის შესახებ timesofisrael.com იუწყება.
ასევე, „ბოევიკები“ ავრცელებენ ვიდეოებს, რომლებზეც ჩანს მათ მიერ დატყვევებული ებრაელი სამხედროები და სამოქალაქო პირები. ისრაელის თავდაცვის სამინისტროს ამაზე კომენტარი ჯერჯერობით არ გაუკეთებია.
ისრაელზე „ჰამასის“ თავდასხმის ფაქტს ევროპელი ლიდერები გამოეხმაურნენ და ის კატეგორიულად დაგმეს. ევროკომისარმა საგარეო ურთიერთობათა და უსაფრთხოების საკითხებში ჯოზეფ ბორელმა ტყვედ აყვანილი ებრაელების დაუყოვნებლივ გათავისუფლება მოითხოვა.
ისრაელის ხელისუფლება „ჰამასს“ საპასუხო ზომებით დაემუქრა. პრემიერ-მინისტრმა ბინიამინ ნეთანიაჰუმ განაცხადა, რომ ისრაელი საომარ მდგომარეობაში იმყოფება.
კომენტარები