დღეს, გამთენიისას ღაზას სექტორიდან ისრაელის მიმართულებით რაკეტები გაუშვეს. დაღუპულია ერთი და დაშავებულია ისრაელის სამი მოქალაქე. ინფორმაციას „სიენენი“ ავრცელებს.
მას შემდეგ რაც რაკეტების აფეთქების შედეგად ერთი ადამიანი დაიღუპა და სამი დაშავდა, რამდენიმე ბოევიკი ღაზადან შევიდა ისრაელის ტერიტორიაზე. სარაკეტო თავდასხმაზე პასუხისმგებლობა აიღო პალესტინის შეიარაღებულმა დაჯგუფება „ჰამასმა“. ამის შესახებ ისრაელის თავდაცვის ძალებმა (IDF) განაცხადა. ინფორმაციას “სიენენი” ავრცელებს.
გამოცენის ინფორმაციითმ ჰამასის სამხედრო მეთაურმა მუჰამედ ალ-დეიფმა გაავრცელა ჩაწერილი მესიჯი, რომელშიც გამოაცხადა ოპერაცია “ალ-აქსას ქარიშხალი” და თქვა, რომ პალესტინის შეიარაღებული დაჯგუფება “მტრის პოზიციებს, აეროპორტებსა და სამხედრო პოზიციებს 5000 რაკეტით უმიზნებდა”.
IDF-მა გააფრთხილა ისრაელები, რომლებიც ცხოვრობენ ღაზას მახლობლად, დარჩნენ თავიანთ სახლებში.
ერთი ადამიანი დაიღუპა და სამი დაშავდა, როდესაც შაბათს დილით ღაზას სექტორიდან ისრაელის მიმართულებით რაკეტების გასროლა მოხდა, განაცხადა ისრაელის Magen David Adom (MDA) სამაშველო სამსახურმა.
70-წლამდე ქალი კფარავივში, გდეროტის რეგიონში, აფეთქების შედეგად გარდაიცვალა, განაცხადა MDA-მ.
აშკელონის რაიონში კიდევ ორი ადამიანი მსუბუქად დაშავდა, თქვა სამაშველო სამსახურმა, ხოლო მეოთხე ადამიანი – 20 წლამდე მამაკაცი იავნეში – მსუბუქად დაშავდა ნამსხვრევებით.
რაკეტები გასროლილი იქნა შაბათს, დილის 6:30 საათზე, ადგილობრივი დროით (11:30 სთ. ET), როდესაც ისრაელის უმეტესობას სავარაუდოდ ეძინა.
პრემიერ მინისტრი ბენიამინ ნეთანიაჰუ და თავდაცვის მინისტრი იოავ გალანტი ატარებენ უსაფრთხოების შეფასებებს ისრაელის თავდაცვის ძალების შტაბ-ბინაში თელ-ავივში, განაცხადეს ნეთანიაჰუს ოფისში.
კომენტარები