“10 იროკეზი გვაჩუქა თავის დროზე აშშ-მ, პილოტებიც მოგვიმზადა, ევაკუაციის ფართო შესაძლებლობებიც აქვს, თანაც ომში” – გიორგი თავდგირიძე

“10 იროკეზი გვაჩუქა თავის დროზე აშშ-მ, 10 იროკეზისთვის პილოტებიც მოგვიმზადა, ტექნიკური პერსონალიც და შესაბამისი ინფრასტრუქტურაც. ყველაზე გამძლე, უპრეტენზიო, ადვილად მოსავლელი ვერტმფრენი, რომელსაც ევაკუაციის ფართო შესაძლებლობებიც აქვს (თანაც ომში), ტრანსპორტირებისაც და რთულ პირობებშიც მოქმედების. ვერ შევინახეთ? ვერ კი არა არ შევინახეთ, კარგი ვერტმფრენი ვეღარ გავარემონტეთ ( სასაცილოა მაგრამ დავუშვათ), პილოტები რატომღა დავფანტეთ, ან ახალი პროგრამა და ახალი პილოტების მომზადება რატომ არ ვითხოვეთ? მარტივად, პილოტს ვერ შევინარჩუნებთ იმ მათხოვრული ხელფასით რაც ჯარისკაცებს აქვთ. უცხოეთში გაქცეული სამხედრო, მათ შორის ოფიცერი ბევრი მინახავს, ბევრი ჩემი ნაცნობი და მეგობარი ამერიკაშია, მაგრამ რაღაც დაბალ ხელფასს გაქცეული გენერალიტეტი არ მინახია.

მარტივია, თუ გავუშვებთ ერთ მინისტრს, 7 მინისტრის მოადგილეს, თავდაცვის ძალების უფროსს, გენერალური შტაბის უფროსს და 7 სარდალს (დამიჯერეთ, ამათი გაშვება საერთოდ არ დაეტყობა არც თავდაცვის სამინისტროს და არც თავდაცვის ძალების), 10 მრავალფუნქციურ ვეტრფრენსაც შევინახავთ, 10 პილოტსაც და მთელ ინფრასტრუქტურასაც.”