არასამთავრობო ორგანიზაცია “სოციალური სამართლიანობის ცენტრმა” ყოველწლიური ანგარიში წარადგინა საქართველოს ნარკოპოლიტიკის შესახებ.
ორგანიზაციის ინფორმაციით, წინა წლების მსგავსად, ნარკოპოლიტიკის სისტემური რეფორმების საკითხი არც 2022 წელს წარმოადგენდა პოლიტიკურად აქტუალურ საკითხს და საანგარიშო პერიოდში არ განხორციელებულა რაიმე მნიშვნელოვანი საკანონმდებლო ცვლილებები.
როგორც კვლევით ირკვევა, 2022 წელს რეგისტრირებული ნარკოტიკული დანაშაულის ჯამური მაჩვენებელი 2021 წელთან შედარებით, 41%-ით არის გაზრდილი. 2022 წელს 5,471 ნარკოდანაშაული დარეგისტრირდა, 2021 წელს კი ეს მაჩვენებელი 3,873-ს შეადგენდა.
ორგანიზაციის განმარტებით, მზარდი სტატისტიკა პანდემიასთან ბრძოლის ფარგლებში დაწესებული შეზღუდვების მოხსნით არის განპირობებული, თუმცა, შესაძლოა, არსებობდეს დამატებითი ფაქტორებიც, რომლებიც გავლენას ახდენს მაჩვენებელზე.
2019-2022 წლებში რეგისტრირებული ნარკოტიკული დანაშაულის ჯამური და გახსნის პროცენტული მაჩვენებელი შემდეგნაირად გამოიყურება:
SJS-ს ცნობით, წინა წლების მსგავსად, 2022 წელს, ნარკოტიკული დანაშაულებიდან ყველაზე გავრცელებული იყო:
- ნარკოტიკული საშუალების უკანონო დამზადება შეძენა, შენახვა (სსკ-ის 260-ე
- მუხლი) – 2723 რეგისტრირებული დანაშაული
- კანაფის/მარიხუანის უკანონო შეძენა/შენახვა (სსკ-ის 2731ე მუხლი) – 1562 რეგისტრირებული დანაშაული
- ნარკოტიკული საშუალების შემცველი მცენარის დათესვა, მოყვანა, კულტივირება (სსკ-ის 265-ე მუხლი) – 953 რეგისტრირებული დანაშაული.
ამასთან ერთად, ირკვევა, რომ 2022 წელს, 2021 წელთან შედარებით, მნიშვნელოვნად გაიზარდა ნარკოტიკულ დანაშაულებზე სისხლისსამართლებრივი დევნის დაწყების მაჩვენებელი.
2022 წელს ნარკოტიკული დანაშაულებიდან ყველაზე ხშირად სისხლისსამართლებრივი დევნა დაიწყო:
- სსკ 260-ე მუხლის პირველი პუნქტით გათვალისწინებულ დანაშაულზე (ნარკოტიკული საშუალების/მისი ანალოგის/პრეკურსორის უკანონო დამზადება, წარმოება, შეძენა, შენახვა, გადაზიდვა ან გადაგზავნა) – 1455-ჯერ
- სსკ 265-ე მუხლის მე-2 ნაწილის „ა“ ქვეპუნქტით გათვალისწინებულ დანაშაულზე (დიდი ოდენობით ნარკოტიკული საშუალების შემცველი მცენარის უკანონო დათესვა, მოყვანა ან კულტივირება) – 241-ჯერ
- სსკ 265-ე მუხლის მე-3 ნაწილის „ა“ ქვეპუნქტით გათვალისწინებულ დანაშაულზე (განსაკუთრებით დიდი ოდენობით ნარკოტიკული საშუალების შემცველი მცენარის უკანონო დათესვა, მოყვანა ან კულტივირება ) – 462-ჯერ
- სსკ 2731-ე მუხლის მე-2 ნაწილით გათვალისწინებულ დანაშაულზე (მცენარე
- კანაფის ან მარიხუანის უკანონო შეძენა, შენახვა, გადაზიდვა ან გადაგზავნა) – 230-ჯერ
როგორც კვლევით დადგინდა, საქართველოს მოქმედი ნარკოკანონმდებლობა პრევენციული ღონისძიებების გატარებაზე მეტად კვლავ სადამსჯელო მექანიზმების გამოყენებასა და მიწოდების შეზღუდვისკენაა მიმართული და კანონმდებლობა კვლავ საჭიროებს დახვეწას.
ამასთან ერთად, საანგარიშო წელს ნარკოტიკული დანაშაულებში მსჯავრდადებულ პირებს ყველაზე ხშირად პირობითი სასჯელი ენიშნებათ.
კომენტარები