პირველი საუნივერსიტეტო კლინიკიდან დღეს რვა გამოჯანმრთელებული პაციენტი გაეწერება, 17-მა კი შესაძლოა, კლინიკა ხვალ დატოვოს.
კლინიკის დირექტორის, ლევან რატიანის განცხადებით, 17 პაციენტზე პირველადი ტესტის პასუხები უარყოფითია და მათ კორონავირუსზე განმეორებითი კვლევა ჩაუტარდებათ.
„რაც ჩვენ ვემსახურებით ქვეყანას კოვიდინფექციასთან დაკავშირებით, დაახლოებით 700-მდე საეჭვო შემთხვევა იყო სულ შემოყვანილი კლინიკაში, აქედან 119 დადასტურებული შემთხვევა გვყავდა. ამ ეტაპზე კლინიკაში არის 90 ინფიცირებული, დღეისათვის 8 პაციენტი ეწერება, ბოლო 24 საათში, რაც ყველაზე მეტად გვახარებს, რადგან მდენი პაციენტი არასდროს გაგვიწერია კლინიკიდან. ასევე პირველადი უარყოფითი პასუხები მოსულია დაახლოებით 17, ველოდებით განმეორებით ტესტის პასუხს, თუ ხვალ მოვიდა 17 უარყოფითი ორჯერადად, ხვალ 17 დატოვებს კლინიკას“ , – განაცხადა რატიანმა.
კომენტარები