“სულელი“, „ამორალური“, „გაუნათლებელი“ და „უზრდელი“ – დაპირისპირება იაგო ხვიჩიასა და გრიგოლ ვაშაძეს შორის

“სულელი“, „ამორალური“, „გაუნათლებელი“ და „უზრდელი“ – ამ სიტყვებით დაუპირისპირდნენ იაგო ხვიჩია და გრიგოლ ვაშაძე კულტურის კომიტეტზე ერთმანეთს.

დეპუტატებს შორის დაპირისპირება საავტორო უფლებების შესახებ კანონში შესატან ცვლილებებს მოჰყვა. გრიგოლ ვაშაძე კანონპროექტის არსებული ვერსიით მიღების მომხრეა.

დაპირისპირება მას შემდეგ დაიწყო, რაც საკუთარი გამოსვლის დროს ხვიჩიამ ვაშაძეს „სულელი“ უწოდა.

თქვენს ბოდვას ვუსმენდით გრიგოლ – რა გვარი ხართ? რა გვარია ეს სულელი? ამ სულელის ბოდვას ვუსმენდით. თქვენ შეურაცხყოფილი ხართ დაბადებიდან. სულელია, ვინც ამას ვერ ხვდება, აქ საერთოდ როგორ ზიხარ? ათასი სულელური აზრი მოვისმინე, მაგრამ არავისთვის შემიწყვეტინებია. ერთ-ერთი სანიმუშო ამორალური ადამიანი მაძლევს შენიშვნას, რატომ? არ არის ამორალური?სინამდვილეში ახლა კამათი რაზე გვაქვს- ერთი მხარე იძახის, ამ ხალხს ცოტა ფული უნდა მივცეთო, მეორე მხარე ამბობს – ბევრი ფული უნდა მივცეთო. სინამდვილეში უნდა ვკამათობდეთ იმაზე, სახელმწიფო უნდა ერეოდეს ავტორების საქმეში თუ ეს უნდა წყდებოდეს სასამართლოს მეშვეობით“, – განაცხადა იაგო ხვიჩიამ.

ხვიჩიას შეურაცხმყოფელ მიმართვას სხდომაზე უპასუხა გრიგოლ ვაშაძემ.

შენ შეურაცხყოფას ვერ მომაყენებ. გაუნათლებელი, უზრდელი ხარ“, – მიმართა გრიგოლ ვაშაძემ იაგო ხვიჩიას.

tvpirveli.ge