“არ დავიზარებ და გიპასუხებთ… ცოტა დაფიქრდით, ხალხო!” – ნიკო გორგილაძე ლაზარე გრიგორიადისის პროცესზე

პირველ ყოვლისა, უნდა იცოდეთ, რომ დამნაშავეც იმსახურებს სამართლიან სასამართლოს, ამდენად, თქვენი წინასწარგანწყობები გვერდზე უნდა გადადოთ ხოლმე და თვალი ადევნოთ სასამართლო პროცესს, რახან ამას არ აკეთებთ და მთავრობის პროპაგანდას ხართ აყოლილი, გიზიარებთ რამდენიმე დეტალს.

ექსპერტმა, 24 წლის სტაჟით, სასამართლოს უთხრა, რომ პოლიციელის ავტომობილი, რომელსაც მან ექსპერტიზა ჩაუტარა, მთლიანად დამწვარი იყო, თუმცა მასზე აღებულ ანაწმენდებში ექსპერტიზამ ნავთობპროდუქტების კვალი ვერ იპოვა.

სასამართლომ დაკითხა პოლიციელიც, რომელსაც 10 000 ლარზე მეტი ღირებულების პირადი ნივთები ეწყო მანქანაში აქციის ღამეს — 7 000 ლარის ღირებულების ფეხსაცმელები, 3 200 ლარიანი “სმარტ საათი”, 1 300-ლარიანი სათვალე და სხვა ნივთები.

პოლიციელს გამოძიებისთვის ნათქვამი ჰქონდა, რომ მან მანქანა უკვე დამწვარი ნახა, სასამართლოს კი მოუყვა, როგორ უყურებდა დაწვის მომენტს.

ამ დეტალების შეფასებით ნაწილში არ შევალ, რადგან თუ ჩამოთვლილ პუნქტებში პრობლემას ვერ ხედავთ, მე ვერაფრით დაგეხმარებით!

და ბოლოს: აწი, სანამ ჩემს პოსტებზე რამეს დაწერთ, გაიხსენეთ თქვენი შვილი ან ოჯახის ნებისმიერი წევრი და თუ მათთვისაც ისურვებდით ამგვარ სასამართლო პროცესს, შემდეგ აკომენტარეთ უგულო ბოდვები!

ასევე, მიმოიხედეთ გარშემო, ოჯახში თუ არა, საახლობლოსა თუ სამეზობლოში მაინც არავინ გყავთ შეღებილთმიანი ან საყურიანი ბიჭი? სამართლიანი იქნებოდა, სასამართლო განაჩენის დადგომამდე გამოეცხადებინა ხელისუფლებას დამნაშავედ და ამომრჩევლისა თუ ტროლ-ბოტების ხელით უკანასკნელი ფორმით შეელახა 21 წლის ბიჭის ღირსება?

ცოტა დაფიქრდით, ხალხო!

#თავისუფლებალაზარეს“