ეროვნული ბიბლიოთეკის დირექტორი გიორგი კეკელიძე სოციალურ ქსელში სასიხარულო ამბავს ავრცელებს
„შესანიშნავი ამბავი გვაქვს: #გურულიდღიურებიფონდი ს სტიპენდიატი ბოლნისის მუნიციპალიტეტის სოფელ კაზრეთში მცხოვრები მსახიობი ვანო ხმალაძე იგივე ვანიჩკა გახდა. ამ საოცარი ახალგაზრდის სტიპენდიას, ჩვენი ფონდის ერთგული მეგობარი, მარინა ჩხარტიშვილი უზრუნველყოფს. ვანიჩკა არის ბრწყინვალე მაგალითი – ეტლში მჯდარი წლებია ინტეგრირებულ თეატრში მსახიობობს და ახლა უკვე დიდი თეატრის სცენაზე შეაბიჯა. გვიხარია, რომ დავმეგობრდით“,- წერს კეკელიძე.
„სიტყვებს ვერ ვპოულობ. უღრმესი მადლობა გიორგი კეკელიძეს“ – აღნიშნულ სასიხარულო ამბავს თავად ადრესატი, ვანო ხმალაძე ამ სიტყვებით გამოეხმაურა.
კომენტარები