“გიჟები ვართ, თუ? რა ვიცი, აბა…” – შს მინისტრის კითხვა ჟურნალისტებს

შინაგან საქმეთა მინისტრი, ვახტანგ გომელაური ამბობს, რომ ტყუილია, თითქოს ქვეყანაში “ქოლ-ცენტრებს” ხელისუფლება მფარველობს. მისივე თქმით, “ქოლ-ცენტრების” მუშაობას თვითონ ააშკარავებენ, რის მაგალითადაც გუშინ აღმაშენებლის გამზირზე ჩატარებული სპეცოპერაცია მოიყვანა.

“ჩვენ თუ ვფლობთ და ჩვენი თუა, რატომ ვკეტავთ მაშინ? გიჟები ვართ, თუ? რა ვიცი, აბა…  ჩვენი თუა, არ დავკეტავდით… ეს ტყუილია.

მე არ ვიძიებ ამ საქმეს და დაელოდეთ პროკურატურას. მუშაობს ამ საქმეზე.”