რუსეთს 9 მაისამდე სურს ბახმუტის ხელში ჩაგდება, მაგრამ თავდაცვის ძალები ყველაფერს გააკეთებენ იმისათვის, რომ მათი გეგმები რეალობად არ იქცეს – ამის შესახებ უკრაინის შეიარაღებული ძალების აღმოსავლეთ ჯგუფის სპიკერმა, სერგეი ჩერევატიმ განაცხადა.
„მალე დაამყარებენ გინესის რეკორდს იმ თარიღების გადასატანად, რომლითაც რაღაც უნდა აიღონ. მარტის ბოლოს მათ მთელი დონბასი უნდა აეღოთ. ბახმუტის აღების პირველი თარიღები იყო 2022 წლის ივლისი. ჩვენი თავდაცვის ძალები ყველაფერს გააკეთებენ, რომ არცერთი ეს თარიღი არ გახდეს რეალობა“, – განაცხადა ჩერევატიმ.
მედიის ცნობით, პუტინმა ბახმუტის ასაღებად ახალი ვადები დააწესა. რუსული მედია კრემლის წყაროებზე დაყრდნობით აცხადებდა, რომ მან თავის სამხედროებს ბახმუტის 9 მაისამდე დაპყრობა უბრძანა.
„მთავარი არხი“
კომენტარები