რესპუბლიკური პარტიის წევრი, დავით ბერძენიშვილი ამბობს, რომ სააღდგომო ეპისტოლეში ილია მეორე ხელისუფლებას მადლობებს უხდიდა.
მისი თქმით, წლევანდელ ეპისტოლეში არცერთი თანამედროვე აზრი არ იყო.
“სულ რომ არ გაკოტრებულიყო ილია მეორე, მთავრობას მადლობები უხადა. ხელი ხელს ბანს პრინციპი არის. საპატრიარქო დიდი ხანია შეზრდილია ხელისუფლებაში. მართლმადიდებლური თეოლოგიისგან დაცლილი იყო პატრიარქის ეპისტოლე, იქ არ იყო არცერთი თანამედროვე აზრი”, — განუცხადა ფორმულას დავით ბერძენიშვილმა.
კორონავირუსის პანდემიის პირობებში, სპეციალისტების რეკომენდაციების მიუხედავად, საპატრიარქომ უარი თქვა მთავარი რეკომენდაციის შესრულებაზე და მრევლს სახლში დარჩენისკენ არ მოუწოდა, არც ეკლესიები დაკეტა დროებით. პირიქით, საქართველოს მთავრობა და ეკლესია შეთანხმდნენ, რომ აღდგომის ლიტურგიას მრევლიც დაესწრო.
კანონდარღვევის მიუხედავად, პატრიარქმა მრევლს, რომელიც საგანგებო მდგომარეობის დროსაც დადიოდა ტაძარში მადლობას გადაუხადა.
კომენტარები