სამშაბათს, 25 აპრილს, რუსეთის პრეზიდენტმა ვლადიმერ პუტინმა ხელი მოაწერა განკარგულებას, “არამეგობრული ქვეყნების” აქტივების დროებით ქონების მართვის ფედერალური სააგენტოსთვის გადაცემის შესახებ. რუსეთი ამბობს, რომ ეს საპასუხო ზომაა.
განკარგულება პუტინს უფლებას აძლევს გადასცეს ქონების მართვის ფედერალურ სააგენტოს ან სხვა სააგენტოს კომპანიების ნებისმიერი აქტივი ასოცირებული “არამეგობრულ ქვეყნებთან”, რუსეთის ფედერაციის ქონების საზღვარგარეთ ჩამორთმევის ან მისი ფლობის უფლების შეზღუდვის შემთხვევაში.
პუტინმა გადაწყვიტა დაეწყო ფინური Fortum-ის ფასიანი ქაღალდებითა და Unipro-ს წილით.
მოძრავი და უძრავი ქონება, ფასიანი ქაღალდები, აქციები საწესდებო კაპიტალში, ქონებრივი უფლებები შეიძლება მოხვდეს დროებით მართვაში.
არამეგობრული სახელმწიფოების კომპანიების აქტივები შეიძლება გადაეცეს სპეციალიზებული ადგილობრივი მოთამაშეების მენეჯმენტს, განაცხადა VTB-ის ხელმძღვანელმა ანდრეი კოსტინმა.
Unipro-ს 83.73%-ს გერმანული ენერგოკომპანია Uniper ფლობს. კომპანიას რუსეთში ხუთი თბოელექტროსადგური აქვს, 2022 წლის გაზაფხულზე, უკრაინაში ომის დაწყების შემდეგ, კომპანიამ გადაწყვიტა რუსეთში ინვესტიციების შეჩერება და გაყიდვის პროცესის განახლება. გარიგება გართულდა, რადგან კომპანიამ განაცხადა, რომ არ მიუღიათ ამისთვის საჭირო ნებართვა რუსეთის პრეზიდენტისგან.
ფინური Fortum არის ერთ-ერთი უმსხვილესი უცხოელი ინვესტორი რუსეთის ენერგეტიკულ ინდუსტრიაში. კომპანია ფლობს Fortum-ის 98,23%-ს (ყოფილი TGK-10) და დაახლოებით 30%-ს PJSC TGK-1-ში (მთავარი აქციონერი არის Gazprom Energoholding). 2022 წლის მაისში კომპანიამ განაცხადა, რომ გეგმავდა რუსეთის ბაზრის დატოვებას. 2022 წლის შედეგების შესახებ მოხსენებაში ფინურმა კომპანიამ აღნიშნა, რომ არსებულ გეოპოლიტიკურ ვითარებაში არის რისკი, რომ რუსეთში ბიზნესის გაყიდვა არ განხორციელდეს ან სერიოზულად გადაიდოს.
კომენტარები