ანალიტიკოსი არჩილ გამზარდია სოციალურ ქსელში წერს:
„ზოგჯერ მგონია, რაღაც უცნაურობაა, რომ ზოგჯერ ვიღაცა რაიმე წარმატებას თუ მიაღწევს რომელიმე დარგში, ჩვენ ვითხოვთ მათ პოზიციებს, შიდა პოლიტიკაში, გარე პოლიტიკაში, თეოლოგიაში, სამეცნიერო და აკადემიურ ცხოვრებაში და ა.შ.
არა და ამ დროს, უბრალოდ, სპორტსმენია ეს ვიღაც, ან მომღერალია ან მსახიობია ან ინჟინერია ან ფიზიკოსია.
რაში მაინტერესებს მათი პოზიციები იმ დარგებში, სადაც აზრზე შეიძლება არ იყვნენ და არც აინტერესებდეთ.
ასეთივე რეჟიმში ვართ ძალიან ბევრთან, ამიტომ არის, რომ აზრს ამა თუ იმ თემაზე ვეკითხებით პირებს, რომლებიც შესაძლოა საერთოდაც ვერ ერკვევიან შესაბამის დარგებში და არც კი აინტერესებთ.
რომ შევეშვათ და ვაცადოთ იყვნენ ისინი, რაც არიან და არა ისინი, რაც არ არიან, მგონი, უმჯობესი იქნება.
მართლა არ მაინტერესებს მათი პოზიცია არაფერში, გარდა იმ საკითხებისა, სადაც ისინი საქმიანობენ, იყოს მსახიობი მსახიობად, მომღერალი – მომღერლად, სპორტსმენი- სპორტსმენად და ა.შ. და ნუ გავხდით მათ პოლიტოლოგებად, დიპლომატებად, თეოლოგებად, ასტროფიზიკოსებად, კულინარებად და ა.შ.“
კომენტარები