“ბოდიში პირდაპირობისთვის, ღარიბაშვილი არასდროს არავინ იყო” – ნინო კალანდაძე

საქართველოს საგარეო საქმეთა მინისტრის ყოფილი მოადგილე ნინო კალანდაძე:

“ვგიჟდები ხელისუფლების ახლადგამოჩეკილი, ინტელექტუალურ სახეებიანი ოპონენტების აკადემიურ შეფასებაზე, რომ ანტიდასავლური პოლიტიკის გატარება ოცნებამ თურმე ღარიბაშვილის მეორედმოსვლის შემდეგ დაიწყო.

ძალიან დიდი ბოდიში პირდაპირობისთვის. თუ ვინმეს გამოგრჩათ, ღარიბაშვილი არასდროს არავინ იყო, არც პირველად და არც მეორედ. ივანიშვილი კი ყოველთვის რუსი ოლიგარქი იყო, რომელიც არაფორმალურად ფლობდა ღარიბაშვილს და ამით პირველ ჯერზეც რუსულ პოლიტიკას ატარებდა და მერეც. მაშინაც, როცა ე.წ. ზაპადნიკები ყავდა ფასადად და ასოცირების ხელშეკრულებას აწერდა ხელს და მაშინაც, როცა ფასადი შავრაზმელებით და ასოცირების ხელშეკრულება ევროკავშირის დროშის მგლეჯველებით ჩაანაცვლა. ღარიბაშვილის დაბრუნებით კი არ გახდა რუსი ოლიგარქი რუსი ოლიგარქი, არამედ მანამდე ხალხის ნაწილი ვერ და არ ხედავდა იმას, რომ რუსი ოლიგარქი რუსი ოლიგარქი იყო. ამიტომ ძალიან სასარგებლო იქნებოდა, თუ 2023 წელს მაინც ოდნავ დაკორექტირდება ეს ბოდვითი, მავნებლური სიტყვათაწყობა და ქოცის შეფასება მათ მიერ, ვისაც პოლიტიკის ცოდნაზე და ექსპერტობაზე პრეტენზიები აქვს.”