დროებით ოკუპირებული “სამხრეთ ოსეთის” სეპარატისტული სამხედრო ძალები მუშაობის გაძლიერებულ რეჟიმზე გადავიდნენ, – ამის შესახებ ინფორმაციას ადგილობრივი მედია ავრცელებს.
ეს გადაწყვეტილება მიღებული იქნა ოკუპირებული რეგიონის ე.წ “უსაფრთხოების საბჭოს” შეხვედრაზე, რომელსაც არაღიარებული “პრეზიდენტი”, ალან გაგლოევი ხელმძღვანელობდა.
“რელიგიური ღონისძიებების დროს, რესპუბლიკის მოქალაქეების უსაფრთხოების უზრუნველსაყოფად, სახელმწიფოს მეთაურმა რესპუბლიკის ძალაუფლების სტრუქტურებს მომსახურების გაძლიერებულ რეჟიმში გადასვლა დაავალა, 2023 წლის 14 აპრილიდან 17 აპრილის ჩათვლით პერიოდში”, – ვკითხულობთ განცხადებაში.
ოკუპირებული რეგიონის ე.წ ხელმძღვანელები მოქალაქეებს, რომლებსაც სურთ რომ გამყოფ ხაზთან ახლოს, გარდაცვლილი ნათესავების საფლავები მოინახულონ, მოუწოდებენ, რომ “KGB-ს სასაზღვრო სამსახურს წინასწარ მიმართონ” და “გადახედონ საზღვრებს შიგნით დარჩენის წესებს”.
კომენტარები