რესპუბლიკური კლინიკის ექიმები მეოთხე დღეა ითხოვენ პრემიერსა და ჯანდაცვის მინისტრთან შეხვედრას, ასევე მოქმედი დირექტორის ზაზა ავალიანის გადადგომას.
დღეს ექიმებმა კიდევ ერთი მოთხოვნა წამოაყენეს და დირექტორად გიორგი დუნდუას დანიშვნა მოითხოვეს, თუმცა ყველა ეს მოთხოვნა ჯერჯერობით ხელისუფლების მხრიდან რეაგირების გარეშე რჩება.
შეგახსენებთ, გუშინ, 29 მარტს, ექიმებმა განცხადება გაავრცელეს, სადაც წერია:
“ჯანდაცვის მინისტრის მიერ, ტელეეთერებიდან გავრცელდა ინფორმაცია კლინიკის დანგრევის აუცილებლობის შესახებ. განცხადებას წინ უძღოდა რესპუბლიკური საავადმყოფოს თანამშრომლების მიმართ არნახული და ბინძური დისკრედიტაციის არაერთი მცდელობა.
ვითხოვთ, დაუბრუნდეთ რეაბილიტაციის თავდაპირველ გეგმას. არსებული პროექტით რომელიც ითვალისწინებს კლინიკის რეაბილიტაციას მუშაობის უწყვეტობის პირობებში;
ვინაიდან კლინიკის მოქმედი დირექტორი არ გამოხატავს კლინიკის ინტერესებს, ეწევა მის დისკრედიტაციას და არ ასრულებს დაკისრებულ მოვალეობას, მოვითხოვთ, გაათავისუფლოთ დაკავებული თანამდებობიდან;
პრემიერმინისტრის ბოლო განცხადებებიდან გამომდინარე, გვიჩნდება საფუძვლიანი ეჭვი, რომ მასთან არ მიდის სწორი ინფორმაცია. ამიტომ საკითხის საბოლოო დაზუსტების მიზნით, ვითხოვთ პრემიერმინისტრთან შეხვედრას”.
კომენტარები