“მათი დიდი ნაწილი ვეღარასოდეს დაბრუნდა სამშობლოში” – ბატიაშვილი

ანალიტიკოსი, ზურაბ ბატიაშვილი:

“ზუსტად 74 წლის წინ, 1949 წლის 25 მარტს საბჭოთა კავშირმა ახლად ოკუპირებული ბალტიის რესპუბლიკებიდან (ლიეტუვა, ლატვია, ესტონეთი) დაიწყო მოსახლეობის ციმბირში მასობრივი დეპორტაციის პროცესი.

დეპორტაციის მთავარი მიზანი ანტისაბჭოთა პარტიზანული მოძრაობის გატეხვა იყო. გადასახლებულთა 70% ქალები და ბავშვები იყვნენ, რომლებიც საბჭოეთის წინააღმდეგ საბრძოლველად პარტიზანად გასულ მეუღლეებს, მამებს და ძმებს ეხმარებოდნენ.

საერთო ჯამში 1944-დან 1955 წლამდე ბალტიის რესპუბლიკებიდან ციმბირში გაასახლეს 500 000-ზე მეტი ადამიანი, რაც საერთო მოსახლეობის დაახლოებით 10 % იყო.

მათი დიდი ნაწილი ვეღარასოდეს დაბრუნდა სამშობლოში.

ბალტიის რესპუბლიკებში ჩვენი თაობა როცა იზრდებოდა, ერთი ბებია ან პაპა არ ჰყავდა, რადგან ან დახვრეტილი იყო ან გადასახლებაში იმყოფებოდა.

ამის მიუხედავად, ბალტიის ერები ვერ გატეხეს. წინააღმდეგობის მოძრაობა იატაკქვეშეთში განაგრძობდა არსებობას. როგორც კი შესაფერისი დრო მოვიდა, ამ რესპუბლიკებმა არამხოლოდ დამოუკიდებლობა მოიპოვეს, არამედ მალევე გაწევრიანდნენ ნატოსა და ევროკავშირში.

დღეს ამ ქვეყნებში დეპორტაციის მსხვერპლთა ხსოვნის დღეა. ??????”