“რა კავშირი აქვს ფრანკლინს საქართველოსთან?” – პრემიერის მუქარა ფრანკლინის კლუბს

პრემიერი ღარიბაშვილი ფრანკლინის კლუბს ამჯერად საპარლამენტო ტრიბუნიდან დაემუქრა და ორგანიზაცია ანტისახელმწიფოებრივ ქმედებებში დაადანაშაულა:

საერთოდ, რა კავშირი აქვს ფრანკლინს საქართველოსთან? ეს არის სპეცსამსახურების მიერ შედგენილი გეგმა, პროგრამა, მიდის ახალგაზრდების ტვინის გამორეცხვა. მოსწავლეების, სტუდენტების, უკვე 2 ათასზე მეტი სტუდენტია მონაწილე ამ კლუბის. 1000-ზე მეტი ე.წ. ფრანკლინის კლუბის, ამ ანარქისტული კლუბის და არა ფრანკლინის, ეს არ არის ფრანკლინის კლუბი, ეს არის ანარქისტული მოძრაობის წევრები. 1000-ზე მეტი ანარქისტის, მონაწილე ესწრებოდა ამ მოვლენებს, 7-8 მარტის აქციებს. მათ ჰქონდათ კონკრეტული ინსტრუქციები მიცემული როგორ უნდა მომხდარიყო პროვოკაციები, შესულიყვნენ კონფლიქტში პოლიციასთან, სპეცნაზთან მათი წარმომადგენლების მხრიდან იყო და ამის თაობაზე მიმდინარეობს, მოლოტოვის კოქტეილების სროლა.

აქ მიდის ჩვეულებრივი დამუშავება სპეცსამსახურების. სამწუხაროდ, ამ ანარქისტული მოძრაობის სათავეებთან ფიქსირდებიან უცხო ქვეყნის მოქალაქეებიც. მინდა გავაფრთხილო ამ ტრიბუნიდან, ნებისმიერი ქვეყნის, ვინც არ უნდა იყოს წარმომადგენელი, ვინც ამ ანარქისტულ, ანტისახელმწიფოებრივ, ანტიკონსტიტუციურ მოძრაობაში მიიღებენ მონაწილეობას და ჩვენს საზოგადოებას გამოიყენებენ ჩვენი ქვეყნის წინააღმდეგ, სახელმწიფოს ექნება ძალიან მკაცრი რეაგირება, რომელი ქვეყნის წარმომადგენელიც არ უნდა იყოს  ეს ადამიანი. ჩვენი სამსახურები ყურადღებით მუშაობენ მეხუთე კოლონის წევრების გამოვლენაზე”