ჟურნალისტი, ვახო სანაია:
“გახსოვთ, ნიკა გვარამიას რომ უთვალთვალებდნენ. ხელისუფლებამ მაინცდამაინც ის კადრები გაუგზავნა, სადაც ნიკას და სოფოს პატარა გოგონა ჩანდა. აი, ეს იყო ნამდვილი ტერორი. ვითომ იმის დამტკიცება სურდათ, იყენებდა თუ არა სოფო მანქანას. თითქოს ვინმე მალავდა, რომ იყენებდა. დიახ, იყენებდა და ამით არანაირ დანაშაულს არ ჩადიოდა. ამდენ ხანს უთვალთვალებდნენ და ვითომ არ ჰქონდათ კადრები, სადაც უბრალოდ მანქანა ან სოფო და მანქანა ჩანდა. ბავშვის ვიდეო რატომ გაუგზავნეს ? მამა ვარ და გული გამისკდა ეგ კადრი რომ ვნახე. წარმოვიდგინე შოკი, როცა ხელისუფლება გიგზავნის კადრებს, სადაც შენი ცოლ-შვილი მანქანიდან გადმოდის და ვიღაც ნაძირალა ასე ახლოსაა ჩასაფრებული. რა თქმა უნდა, ეს მუქარა და სიგნალი იყო – აი, შენს შვილებსაც კი ვუთვალთვალებთო.
ამის მკადრებელი ხელისუფლება, რომ საერთოდ როგორ იღებს ხმას !
ტრი-ტრის ავტორები საერთოდ როგორ ბედავენ რამის თქმას !
ბავშვებისთვის სატანისტების დამძახებლები როგორ ბედავენ ხმის ამოღებას !
● ახლა კობახიძეზე. ზოგადად ქართული ოცნების წარმომადგენლებს შვილები ხშირად დაჰყავთ საჯარო ღონისძიებებზე, სადაც ზუსტად იციან, რომ კამერები იქნება – ფეხბურთელებთან, კალათბურთელებთან, სადაც ვერასდროს ხვდებიან სხვისი შვილები. ამას უყურებენ ჩვენი გაჭირვებული მოსახლეობის ბავშვები. ბევრ მათგანს საჭმელიც კი არა აქვს. ასე მოქცევა ხელისუფლების არჩევანია. ჩემი აზრით, ცუდ საქმეს უკეთებენ ამით, მაგრამ ამის განხილვას ამ სტატუსში არ შევუდგები.
უბრალოდ, რაც დღეს კობახიძემ იკადრა ამორალურობის პიკია. ტელევიზიას აბრალებს იმას, რაც არ ყოფილა. მისი შვილის შორიდან გადაღებული წამიერი კადრი იყო დაფარული, საერთოდ არ ჩანდა სახე.
ამის შემდეგ ადგა და თავად ატვირთა ფეისბუქზე თავისი ბავშვის ფოტო. ანუ შვილი გამოიყენა თავისი ტყუილისთვის. ამაზე ამორალური რა უნდა იყოს.
ზოგადად, როცა ბავშვებთან დაკავშირებით რაიმე სტანდარტი ოდესმე სადმე დარღვეულა, ერთ-ერთი პირველი ვარ, როცა ამას ვგმობ. ვის ბავშვსაც არ უნდა ეხებოდეს და რომელ ტელევიზიაშიც არ უნდა გავიდეს, მაგრამ რასაც კობახიძე აბრალებს არხს, არის მტკნარი სიცრუე, რაც მისთვის დამახასიათებელია, მაგრამ ამას თუ იკადრებდა, რომ თავისი შვილის ფოტო თავადვე გამოექვეყნებინა ფეისბუქზე, როგორ წარმოვიდგენდი.
●
აქვე ჩემს ძველ სტატუსსაც დავაშეარებ, თუ რაზეა წამსვლელი ეს კაცი. არა აქვს არანაირი ზნეობა, მორალი და მუხრუჭი.
აი, ეს ძველი სტატუსიც.
უბრალოდ, წარმოვიდგინოთ, რაზეა წამსვლელი ხელისუფლება, რომელიც კადრულობს და დედას აბრალებს, შვილს კლავსო; ძმას აბრალებს, რომ ძმის სიკვდილს ნატრობს. ამის მთქმელს ყველაფრის კადრება შეუძლია, ყველაფერს გადააბიჭებს. და ეს სინამდვილეში ივანიშვილის სიტყვებია, რომელსაც მისი დასაქოქი თოჯინა უბრალოდ ახმოვანებს. არის რამე, რასაც არ გააკეთებს ეს ხელისუფლება – მე ასეთი საკითხი არ მეგულება. ეს ზნეობრივი დაცემის უკიდურესი გამოვლინებაა და ფიქრობენ, რომ ხალხის გახრწნაც ისევე შეუძლიათ, როგორც თავად არიან გახრწნილი.
●
ირაკლი კობახიძე სააკაშვილზე :
კორუმპირებული, ღირსებისგან დაცლილი ოჯახია, მათგან არ გვიკვირს, რომ საკუთარ შვილსა და ძმასთან არ მიაქვთ სათანადო კალორაჟის საკვები – მიაქვთ შეგნებულად ცივი მჭადი, რომ უგემური იყოს და ბევრი არ მოუვიდეს.”
კომენტარები