“ეს არის ტყუილი… ესეც ტყუილია…” – ჩერგოლეიშვილი ხაზარაძეს

“ვადამდელი აწყობს ოცნებას, ისინი უნდა ვაიძულოთ, რომ შეასრულონ 12 პუნქტი ევროკავშირის კანდიდატობის მისაღებად, საზოგადოების დაკვეთა სწორედ ევროპაა.

სცენარი 1: თუ მოგვცეს კანდიდატობა, მაშინ საქართველო გაიმარჯვებს;

სცენარი 2: თუ არ მოგვცეს კანდიდატობა, მაშინ 2024-ში ოცნება განწირულია არა მხოლოდ დამარცხებისთვის, არამედ სრული ჩამოშლისთვის, ამ შემთხვევაშიც საქართველო გაიმარჯვებს”.

შინაარსი არ გააჩნია ამ სიტყვებს.

——————

1. “ვადამდელი აწყობს ოცნებას” –

გააჩნია, თუ ვადამდელს ისეთი პროტესტის შემდეგ ნიშნავს, როგორიც გვქონდა

ოღონდ იმ პირობით, რომ პროტესტის მოთხოვნაა ვადამდელი და

ოცნების უკანდახევად ფორმდება, ეს იმას ნიშნავს რომ არჩევნებს აგებს ოცნება!

თუ ადგა და ასე ცარიელ ადგილას ჩანიშნა, მაშინ ცხადია მას აწყობს.

ანუ ხაზარაძის ამ წინადადებას პოლიტიკური შინაარსი არ გააჩნია.

(აქვე ვიტყვი რომ ევროპული საქართველოს გეგმა 2024 თვის მზადებაა, ვადამდელი შეიძლება მოვლენებმა მოიტანოს და ამას ვერ განვჭვრეტთ. რა შემთხვევაშია მომგებიანი ოპოზიციისთვის ამის თქმა შესაძლებელია)

2. “ჩვენ უნდა ვაიძულოთ ოცნება 12 პუნქტი შეასრულოს” – მამუკა ხაზარაძე ვერანაირად ვერ აიძულებს ოცნებას დეოლიგარქიზაციას თუ ოცნება არ ჩამოიშალა და შეიცვალა!

ეს არის ტყუილი და ამ წინადადებასაც არ გააჩნია შინაარსი.

3. “თუ მოგვცეს კანდიდატობა საქართველო გაიმარჯვებს” – კანდიდატობა არ არის გამარჯვება, გამარჯვება არის უსაფრთხოების სტრუქტურაში გაწევრიანება. კანდიდატობა არის წარმატება და ეს წარმატება იქნება ოცნების ანგარიშზე იქამდე, სანამ ოცნება წარმოადგენს ქართველ ხალხს, ზუსტად ისე, როგორც ასოცირება და უვიზო – რაც არ უნდა ილაპარაკოს ხაზარაძემ.

ანუ ესეც ტყუილია.

4. “საზოგადოების დაკვეთაა ევროპა” – საზოგადოების დაკვეთაა შედეგი და არა უშინაარსო ყბედობა.

5. “თუ არ მოგვცეს, ოცნება 24 წელს ჩამოიშლება” – უკვე არ მოგვცეს ბატონო მამუკა, არ ვიცი თქვენ იქ იყავით თუ არა, მაგრამ ოცნება არ ჩამოშლილა და არც ახლა ჩამოიშლება თუ პოლიტიკურმა სპექტრმა უშინაარსო სადღეგრძელოების ნაცვლად რეალური ლაპარაკი არ დაიწყო და ხალხთან ნდობის კრიზისი არ დაძლია.”