პარლამენტარი რომან გოცირიძე:
„ორი მონადირე დათვს გადაეყარა. ერთმა დაუძახა მეორეს, დათვი დავიჭირეო. მოიყვანე მერეო, უპასუხა მეორემ. როგორ მოვიყვანო, არ მიშვებსო.
რიგგარეშე არჩევნები გვინდაო, თქვა ერთმა. დანიშნე მერეო, უპასუხეს სხვებმა. როგორ დავნიშნო, ის არ ნიშნავსო.
ასეა ჩვენი ამბავი. ამ რიგგარეშეს ძახილში კი მოვიდა არჩევნები.
რიგგარეშე არჩევნებისთვის საჭირო სახელისუფლებო კრიზისს, მიუხედავად არაერთი მცდელობისა, ვერ ქმნის ოპოზიცია. არაფერია გამორიცხული, მაგრამ ეს თუ მოხდა, გარემოებათა შედეგი იქნება და არა ოპოზიციის მონდომების.
ისე მალე გაირბენს დრო, რომ მოგვადგება არჩევნები მოუმზადებლებს. ახლავეა საჭირო ამისთვის თადარიგის დაჭერა და ფაქტობრივად, საარჩევნო კამპანიის თუ არა, კამპანიისწინა რეჟიმში გადასვლა.
“ოპოზიციის გაერთიანების” შესახებ მოწოდებები კონკრეტიკასაა მოკლებული. ზოგისთვის გაერთიანება ნაციონალური მოძრაობის სიით პარლამენტში მოხვედრას ნიშნავს. ამის კარგი მაგალითი ხომ აგერ გვაქვს-პარლამენტში გასული 36 კაციდან ოცამდე არც კი იყო ნაციონალური მოძრაობის წევრი.
გაერთიანება უნდა ნიშნავდეს 4-5 ისეთი “ბლოკის” შეკვრას ( გარდა ნაციონალური მოძრაობისა) რომელთაც ექნებათ ხუთპროცენტიანი ბარიერის დაძლევის შანსი. დანარჩენო კოორდინაციის საკითხია.
ყველა სხვა შემთხვევაში მივიღებთ ორპარტიულ პარლამენტს, სადაც ერთი ტრადიციულად იქნება გამარჯვებული უმრავლესობა და მეორე ასევე ტრადიცილად შეინარჩუნებს მთავარი ოპოზიციური პარტიის საპატიო წოდებას.“
კომენტარები