საქართველოს პრეზიდენტი, სალომე ზურაბიშვილი, ეხმაურება ქართული ოცნების განცხადებას რუსული კანონპროექტის ჩავარდნის დაპირებასთან დაკავშირებით და ამბობს:
ამ გზაზე უკვე გითხარით, თქვენ გვერდით ვარ, ნუ გეშინიათ, ხელისუფლების მიმართ არის უნდობლობა ამ გზაზე და გასაგებია რატომაც, ნუ გეშინიათ, რას იზამენ, რომელ კანონს შემოიტანენ თუ გაიტანენ, ნებისმიერ კანონს, რომელიც არ იქნება თანხვედრაში ევროპულ გზასთან, ნებისმიერ ასეთ კანონს დავადებ ვეტოს, ეს ვეტო აღარ არის ცარიელი ვეტო, ამ ვეტოს უკან დგახართ თქვენ და მე ნამდვილად მაქვს თქვენი იმედი. მემაყება საქართველოს ახალგაზრდობა და ყველა ის ადამიანი, ვინც გამოხატა თავისი ევროპულობა და ნება.
ამერიკაში ვარ, მექნება კიდევ მნიშვნელოვანი შეხვედრები, დღეს საჭიროა გავამაგროთ პოზიციები და ამ პოზიციების გამაგრებაში თქვენი ნაბიჯები არის ძალიან მნიშვნელოვანი და ეს უნდა გავაჟღერო და მივიტანო ყველა პარტნიორთან, რომ გავაგებინოთ, ახლა მათი სტრატეგიული გადაწყვეტილება უნდა იყოს საქართველოს სასარგებლოდ – საქართველომ დაანახა სად დგას და რა უნდა და ამაში არავის შეიძლება ეჭვი შეიტანოს.
ვარ თქვენ გვერდით და ვიქნები თქვენ გვერდით.
კომენტარები