გამოაცხადებენ თუ არა იოსელიანს ჯაშუშად და რა კომპრომისზე წავიდა ოცნება? – კობახიძე

ქართული ოცნების თავმჯდომარე, ირაკლი კობახიძე, სახალხო დამცველად ლევან იოსელიანის არჩევას ეხმაურება და ამბობს:

„ლევან იოსელიანი იყო  ოპოზიციური პოლიტიკური პარტიის წარმომადგენელი, თუმცა ეს კომპრომისი  საჭირო იყო ჩვენი ქვეყნისთვის სხვადასხვა თვალსაზრისით. ერთი ის, რომ აუცილებლად საჭირო იყო  სახალხო დამცველის არჩევა, არ შეიძლებოდა ამ თანამდებობის ვაკანტურად დატოვება. 

მე ღრმად მწამს, რომ ლევან იოსელიანი იქნება დამოუკიდებელი სახალხო დამცველი. აქ ერთ-ერთმა კოლეგამ, ოპოზიციის  მხრიდან, საპირისპირო მოსაზრება გამოხატა. მინდა   ვთქვა, რომ მათ ლექსიკონში სიტყვა დამოუკიდებელი არის სწორედ ჯაშუშის სინონიმი. დარწმუნებული ვარ, რომ ლევან იოსელიანი იქნება  დამოუკიდებელი სახალხო დამცველი. ნამდვილად სახალხო დამცველი, რაც გულისხმობს ხალხის სამსახურში ყოფნას. ეს ყველაფერი ლევანზეა დამოკიდებელი. ვულოცავ და ვუსურვებ წარმატებებს“