,,არც სინამდვილეშია მონა… სინამდვილეში, ბიძინა საფრთხილო და ძლიერი მოთამაშეა“ – არჩილ გამზარდია

ანალიტიკოსი არჩილ გამზარდია:

,,ერთ-ერთი ყველაზე არასწორი დისკურსი, ეს არის ბიძინასთვის მონის ძახილი.

პირველი, იმიტომ, რომ მონა ემპათიას უფრო იმსახურებს, რადგან ჩაგრულია არჩევანის არ არსებობის გამო და არა რისხვას.

მონებს არ ებრძვიან, უფრო ან იცოდებენ ან მათი უფლებებისთვის იბრძვიან.

ასეთია ამ სიტყვის სახისმეტყველება და გაცნობიერება.

ანუ მთელი ეს კამპანია მისთვის მონის ძახილისა უბრალოდ ამოდ მეტყველებაა, ნულოვანი ეფექტით.

და ჰო.. არც სინამდვილეშია მონა და ექსკლუზიური მაძულველების გარდა, არც არავინ იჯერებს, რომ დგას პუტინი, უმესიჯებს ბრძანებებს ბიძინას და მერე ესეც ასრულებს.

სინამდვილეში, ბიძინა საფრთხილო და ძლიერი მოთამაშეა, რომელიც ადამიანებსაც და სახელმწიფოებსაც მხოლოდ როგორც ინსტრუმენტებს აღიქვამს და თავად განსაზღვრავს მათთან ურთიერთობის წესს. ასე მოვიდა დღემდე, ხვალ არ ვიცი როგორ იქნება, მაგრამ ასე იყო დღემდე და ასეა დღესაც.

სანამ გულის მოოხების პროპაგანდაში იქნებით სულელური და უსარგებლო მეტაფორებით, არ ამყოლი მტკიცებით, სრულიად უსუსურები იქნებით მის წინააღმდეგ ბრძოლაში.

მოეშვით ვერბალურ ჩუკენობას და სწორად დაარქვით სახელი მოვლენებს.”