კოჯრისა და წყნეთის გზაგასაყარზე არსებული გამშვები პუნქტი კიკეთში გადაიწევს, რის შედეგადაც კიკეთში მცხოვრებლებს დედაქალაქში გადაადგილების პრობლემა არ შეექმნებათ, ამის შესახებ თბილისის მერმა კახა კალაძე Facebook-ის საკუთარ გვერდზე ჩართვისას განაცხადა.
მერმა მოსახლეობას გუშინ მთავრობის მიერ დაწესებული შეზღუდვები კიდევ ერთხელ შეახსენა და კიკეთის მაცხოვრებლებისთვის ამ კუთხით შექმნილ პრობლემაზე ისაუბრა.
„გუშინ დამატებით შეზღუდვები დაწედა და ამასთანდ აკავშირებით ძლიან ბევრი კითხვა შემოვიდა დედაქალაქის მერიაში. განსაკუთრებით კიკეტში მცხოვრები ადამიანებთან დაკავშირებით, რადგან კოჯრისა და წყნეთის გზაგასაყარზე მოწყობილი იყო სპეციალური საგუშაო, სადაც პოლიცია და ჯარია განთვსებული და კიკეთი თბილისის მიღმა რჩებოდა. შესაბამისად, ჩვენ გავითვალისწინეთ არსებული მდგომარეობა და ეს საგუშგო გადაიწევს კიკეთში ისე, რომ კიკეთში მცხოვრებ ადამიანებს, ან მათ, რომელთაც ყოველდღიურად იქ ასვლა-ჩამოსვლა უწევთ, არანაირი პრობლემები არ შეექმნებათ“, – განაცხადა კახა კალაძემ.
მისივე თქმით, ვინაიდან დღეს საღამოდან ამოქმედდება შეზღუდვა, სავარაუდოდ, აღნიშნულ დრომდე ბევრი დატოვებს ქალაქს და რეგიონებში წავა. შესაბამისად მერმა მიმართა მოქალაქეებს და მოუწოდა, სახლიდან გასვლის წინ კარგად შეამოწმონ ბუნებრივი აირი, ელექტროენერგია და წყალი არის თუ არა გამორთული, რადგან ამან შეიძლება ფატალური შემთხვევები გამოიწვიოს.
ასევე მიმართა მორწმუნეებს, დარჩნენ სახლში და გაუფრთხილდნენ სხვების სიცოცხლეს.
მთავრობის გადაწყვეტილებით, დღეს 21:00 საათიდან, ოთხ დიდ ქალაქში თბილისში, რუსთავში, ბათუმსა და ქუთაისში შესვლა და გასვლა იკრძალება. შეზღუდვა ათი დღის განმავლობაში გაგრძელდება.
ასევე, მთავრობამ პრეზიდენტს სთხოვს, პარლამენტს საგანგებო მდგომარეობის 10 მაისამდე გახანგრძლივების თაობაზე მიმართოს. საგანგებო სესია სავარაუდოდ 21 აპრილს გაიმართება. ჯერ უცნობია, როდის გააკეთებს განცხადებას სალომე ზურაბიშვილი.
კომენტარები