ყოფილი პარლამენტარი, დავით ზურაბიშვილი:
„რეალურად არც კობახიძემ, არც მდინარაძემ და არც არავინ ხელისუფლებაში არ იცის გაითვალისწინებენ თუ არა ვენეციის კომისიის შენიშვნებს აგენტების კანონზე, რადგან რეალურად ისინი მართლა ვენეციის კომისიის დასკვნას კი არ ელოდებიან, არამედ ბიძინა ივანიშვილის ინსტრუქციას კომისიის დასკვნაზე.
თავად ბიძინა ივანიშვილს რაც შეეხება, რამდენადაც მე მისი მუშაობის სტილს ვიცნობ (და მგონია რომ ვიცნობ), ამ ეტაპზე მანაც არ იცის გაითვალისწინებს თუ არა ვენეციის კომისიის შენიშვნებს, რადგან მისი პოზიცია დიდწილადაა დამოკიდებული იმაზე, თუ რა ცვლილებები მოხდება და რა სურათი გამოიკვეთება ზაფხულამდე უკრაინაში ფრონტის ხაზზე. თუ ბიძინამ დაინახა, რომ რუსეთის საქმე ჭაკადაა, მაშინ რაღაცეებს აუცილებლად დათმობს (ის, ნოდარ დუმბაძის ბეჟანასი არ იყოს, შეიძლება გადარეულია, მაგრამ სულელი ნამდვილად არაა), ხოლო თუ მინიმუმ ის სიტუაცია იქნა რაც დღესაა ან კიდევ უარესი, მაშინ არსებითს არაფერს დათმობს და სულ რიხირიხინით მიაღებინებს პარლამენტს ამ რუსულ კანონს. ამიტომაც გადადო ეს საქმე ზაფხულამდე. შეხედავს რა მოხდება და ამის გათვალისწინებით იმოქმედებს.
ასე, რომ ჩემი მოკრძალებული აზრით, ამ კანონის ბედიც გარკვეულწილად უკრაინაში წყდება. თუმცა, მთლად უკრაინის იმედზე ნუ ვიქნებით. ადგილობრივ აქტივობებსაც სერიოზული მნიშვნელობა აქვს.“
კომენტარები